Popular Bible Verses from Exodus 8

Share

Nompure nado da ruganene ngorooro pasiumpure wado asi di rete nomwe, nye kapi da yi vhulire. Nomwe yimo nye da ngundamene ngoso kovantu nokoyimuna. Nompure makura tadi tantere Farawo asi: “Sininke esi nyara zaKarunga.” Nye mutjima gwaFarawo tagu kukuta, kapi ga va purakenene, moomu tupu ga yi tente HOMPA.

HOMPA kwa uyungire hena naMosesa asi: “Zende kwaFarawo, o ka mu tantere asi: ‘HOMPA ta tanta asi: Siga mbunga zange zi ze, nkumwe ngava ka kerere nge.

Farawo apa ga mwene, asi mahepeko kuna litura ko hasa, makura mutjima gwendi tagu kukutike hena a dire kupurakena nonkango daMosesa naArona, moomu tupu ga yi tente HOMPA.

Ano nsene to nyoka kuvasiga va ze, sirongo soge nasinye ngano ngani si hepekesa komafuma.

HOMPA ta twikire ko hena kuuyunga naMosesa asi: “Tantera Arona asi: ‘Gonona mpango zoge, makura o toone mbundu zevhu, zi lisitunuke nomwe mosirongo saEgipite nasinye.’ ”

HOMPA makura ta si rugana. Madugi gonondi dokuhuma taga wiza membo lyaFarawo nomomambo govakareli vendi nomosirongo saEgipite nasinye. Sirongo kwa mwene runyando konondi dokuhuma.