Popular Bible Verses from Exodus 2

Share

Karunga eyi ga zuvha nkugo zawo, ta diworoka malikwatakano gawo naAbirahamu naIsaka naJakopo. Karunga ta tara Vaisraeli eho, ta ninki egwanekero lyendi li rugane.

Eyi pwa pita siruwo, hompa gwaEgipite ta fu, nye Vaisraeli tava kara ngorooro mesivano nomutaku goyirugana youngamba. Moungamba wawo omo makura tava kugu ekwafo kwaKarunga.

Munona eyi ana ya kuru, gwina ta mu damuna a mu tware kwamunwaFarawo. Gwina ta mu tambura ngwendi muna gokureta mwene. Makura ta mu ruku Mosesa, yeeyi age kwa tente asi: “Amesi momema na mu zawire.”

MunwaFarawo ta tantere ozina asi: “Gusa ogu munona o ka mu zamwekere nge, ngani ku futa.” Ogo mukadi ta gusa munona a ka mu zamweke.

MunwaFarawo gomukadi kwa zire koNili a ka likuhwe kumwe novakadona vamwe ava va mu sindikilire. Age kwa gendere konontere daNili, makura ta mono simbamba monombu, ta tumu mukareli gomukadona a ka si rete.

Mosesa apa ga kulire, makura ta zi ezuva limwe kovakwawo, ta ka mona vakwawo omu vana kurugana yirugana youngamba. Ta mono Muegipite ana kutoona Muhebeli mukwawo. Eyi ga tara oku noku nomuntu si, makura ta dipaga Muegipite, ta mu vhumbike.