Popular Bible Verses from Lukas 23

Share

Beling Isa, "O Bapak, ampin mo gama tau-tau nan, apaling taunan no to apa ade muntu yaboat nan." Ke prajurit-prajurit nan bolang undi umin yakamaeng kere lamung Diri tawa taunan diri.

Beling Isa lako nya, "Tutu-tutu si Kubeling lako kau, ano ta si kau ya ada barema-rema ke Aku pang dalam Firdaus."

Karing beling nya, "Isa, totang gama aku muntu Sia datang dadi Raja."

Karing kewa keras seda Isa beling, "O Bapak, ko pang dalam ima Sia Kaji sera nyawa Kaji." Kasuda beling menan putis mo iak Diri.

Muntu taunan kamo dapat katokal ade basingin Tangkorak, pang nan Isa yasamate pang kayu palang ke sadua tau jahat nan, ade sopo ola satoe kanan Diri, ke ade sopo ola satoe kiri Diri.

Pang waya nan, kira-kira kamo jam dua olas tengari, sasir daera nan dadi ungkap batangkap jangka jam telu rawi, apaling mata ano nongka selis caya. Ke tabir pang Balaʼ Alatala berek dadi dua.

Muntu yagita sarea apa ade ka dadi nan ling perwira pasukan, teris nya yasamulia Alatala ke beling, "Tutu-tutu tau ta tau ade benar."