Popular Bible Verses from لُوقا 4

Share

”روحِ خُداوند دَ بَلِه ازمه قرار دَره، چراکه اُو مَره مَسَح کده تا بَلدِه غرِیبا خوشخبری بِدُم. اُو مَره رَیی کده تا آزادی ره بَلدِه اَسِیرا و بِینایی ره بَلدِه کورا اِعلان کنُم، مظلُوما ره از شَرِ ظالِما خلاص کنُم و سالِ لُطف-و-مِهربانی خُداوند ره اِعلان کنُم.“

لیکِن عیسیٰ دَ جواب شی گُفت: ”نوِشته شُده که، ’خُداوند، خُدای خُو ره سَجده کُو و تنها اُو ره عِبادت کُو!‘“

عیسیٰ دَ جوابِ ازُو گُفت: ”دَ کلامِ خُدا نوِشته شُده که ’اِنسان تنها دَ وسِیلِه نان زِنده نِییه.‘ “

عیسیٰ پُر از روح اُلقُدس از دریای اُردُن پس اَمَد و دَ وسِیلِه روح اُلقُدس دَ بیابو هِدایت شُد

لیکِن عیسیٰ دَ جواب شی گُفت: ”گُفته شُده که، ’خُداوند، خُدای خُو ره آزمایش نَکُو!‘“

وختِیکه پگِ وَسوَسه های اِبلِیس تامو شُد اُو تا یگ مُدَت از عیسیٰ دُور شُد.

بعد ازُو اِبلِیس اُو ره دَ یگ بِلندی بُرده دَ یگ لحظه تمامِ مَملَکَتای دُنیا ره دَزُو نِشو دَد و گُفت: ”پگِ امزی قُدرت ها و شان-و-شَوکتِ ازیا ره دَز تُو مِیدُم، چراکه دَز مه دَده شُده، و ما دَ هر کسی که دِل مه شُنه مِیدُم. پس اگه تُو مَره سَجده کنی پگ شی از تُو مُوشه.“ لیکِن عیسیٰ دَ جواب شی گُفت: ”نوِشته شُده که، ’خُداوند، خُدای خُو ره سَجده کُو و تنها اُو ره عِبادت کُو!‘“

اوخته اِبلِیس اُو ره دَ اورُشَلیم بُرده دَ بِلندی خانِه خُدا ایستَلجی کد و دَزُو گُفت: ”اگه تُو باچِه خُدا اَستی خود ره از اِینجی تا پورته کُو، چُون نوِشته شُده که ’اُو دَ بارِه ازتُو دَ ملایکه های خُو حُکم مُونه تا اُونا از تُو حِفاظت کُنه‘ و ’اُونا تُو ره دَ دِستای خُو مِیگِیره، نَشُنه که پای تُو دَ کُدَم سنگ ڈَکه کُنه.‘“ لیکِن عیسیٰ دَ جواب شی گُفت: ”گُفته شُده که، ’خُداوند، خُدای خُو ره آزمایش نَکُو!‘“