Popular Bible Verses from یعقُوب 5

Share

پس گُناه های خُو ره دَ پیشِ یگدِیگِه خُو اِقرار کنِید و بَلدِه یگدِیگِه خُو دُعا کنِید تاکه جور شُنِید. دُعای آدمِ صادِق-و-راست​کار قُدرت و تاثِیرِ کَلو دَره.

اگه کُدَم نفر دَ بَینِ شُمو دُچارِ رَنج-و-مُصِیبت بَشه اُو باید دُعا کنه و کسی که خوش اَسته، باید سرُود بِخانه.

دُعای که از رُوی ایمان بَشه ناجور ره شفا مِیدیه و مَولا عیسیٰ اُو ره از بِسترِ ناجوری باله مُونه؛ و اگه گُناه کده بَشه گُناهِ شی ام بخشِیده مُوشه.

اگه کسی دَ بَین شُمو ناجور بَشه، اُو بُزُرگای جماعتِ ایماندارا ره طلب کنه که بییه و دَ نامِ مَولا عیسیٰ بَلدِه شی دُعا کده جان شی ره قد روغونِ زَیتُون چرب کنه.

بِدَنِید که امُو نفر که گُناهکار ره از گُمراهی پس دَ راه میره، دَ حقِیقت جانِ ازُو ره از مَرگِ اَبَدی نِجات مِیدیه و گُناه های غَدرِ آدمِ گُمراه ره مُوپوشَنه.