Popular Bible Verses from اوّلِ پِترُس 4

Share

از پگ کده اوّل، یگدِیگه خُو ره سخت مُحَبَت کُنِید، چراکه مُحَبَت غَدر گُناه ها ره مُوپوشَنه.

هر کُدَم شُمو هر تُحفِه ره که یافتِید، بَلدِه خِدمت دَ یگدِیگِه خُو از شی کار بِگِیرِید، مِثلِ ناظِرای خُوب که از فَیضِ مُختلِفِ خُدا دُرُست اِستِفاده مُونه.

اگه کُدَم کس دَ جم شُمو توره مُوگیه، رقمی کسی گپ بِزَنه که پَیغامِ خُدا ره اِعلان مُونه؛ اگه کُدَم کس خِدمت مُونه، اُو مُطابِقِ تَوانایی که خُدا دَز شی دَده، خِدمت کُنه تا دَ تمامِ چِیزا خُدا دَ وسِیلِه عیسیٰ مسیح بُزُرگی-و-جلال پَیدا کُنه. جلال و قُدرت تا اَبَداُلآباد ازُو اَسته. آمین.

لیکِن اگه دَ عِنوانِ یگ مسیحی رَنج-و-عذاب مِیکشه، شرمِنده نَشُنه، بَلکِه خُدا ره حمد-و-ثنا بُگیه که اِی نام دَ بَلِه شی اَسته.

خَتمِ تمامِ چِیزا نزدِیک اَسته. پس فِکر خُو ره بِگِیرِید که دَ دُعای خُو مُنَظم-و-مُرَتَب بَشِید.

اَی عزِیزا، ازی آتِشی که بَلدِه آزمایش شُمو دَ مینکل شُمو قرار گِرِفته، حَیرو نَشُنِید که بُگی کُدَم چِیزی عجِیب-و-غرِیب دَ زِندگی شُمو رُخ دَده، بَلکِه دَ اندازِه که شرِیکِ رَنج-و-عذابِ مسیح اَستِید، دَ امزُو اندازه خوش بَشِید، تا دَ وختِ ظهُورِ بُزُرگی-و-جلال شی بِتنِید کَلو خوشحالی کُنِید.

از یگدِیگِه خُو بِدُونِ نِق نِق کدو مِهمون نَوازی کُنِید.

امزی خاطر کسای که مُطابِقِ خاست-و-اِرادِه خُدا رَنج-و-عذاب مِیکشه، خود ره دَ خالِقِ وفادار بِسپاره و دَ انجام دَدون کارِ نیک اِدامه بِدیه.

پس از خاطری که مسیح دَ جِسم رَنج کشِید، شُمو ام دَ امزُو نِیَت خودون خُو ره مُسَلَح کُنِید، چُون کسی که دَ جِسم رَنج کشِیده، اُو گُناه کدو ره ایله کده، تا باقی عُمر خُو ره دَ جِسم، نَه مُطابِقِ خاهِشاتِ اِنسانی، بَلکِه مُطابِقِ خاست-و-اِرادِه خُدا زِندگی کُنه.

اگه بخاطرِ نامِ مسیح دَو-و-دشنام مِیشنَوِید، نیک دَ بَخت شُمو، چراکه روحِ پُرجلالِ خُدا دَ بَلِه شُمو قرار مِیگِیره.