Popular Bible Verses from اوّلِ قُرِنتیا 9

Share

تمامِ کسای که دَ مُسابِقه حِصّه مِیگِیره، اُونا دَ هر چِیز نَظم ره برقرار نِگاه مُوکُنه؛ اُونا اِی کار ره مُونه تا یگ تاجِ از بَین رفتَنی ره حاصِل کُنه، لیکِن مو تاجِ از بَین نَرفتَنی ره حاصِل مُونی. پس ما رقمی مُودَوُم که بےهَدَف نِیَستُم؛ و رقمی مُشت مِیزَنُم که دَ هَوا مُشت نَمِیزَنُم؛

بَلکِه ما جِسم خُو ره خار کده زیرِ فرمان خُو نِگاه مُونُم؛ نَشُنه که بعد از وَعظ کدو دَ دِیگرو خود مه امزُو تاج محرُوم شُنُم.

آیا شُمو نَمِیدنِید که دَ مُسابِقِه دَوِیش پگ مُودَوه، لیکِن تنها یگ نفر جایزه ره مِیگِیره؟ شُمو ام رقمی بُدَوِید که جایزه ره بُبرِید.

قد مردُمِ ضعِیف، ضعِیف شُدُم تا مردُمِ ضعِیف ره جذب کنُم. خُلاصه قد هر کس هر چِیز شُدُم تا از هر طرِیق بعضی ها ره نِجاتِ بِدیُم.