Popular Bible Verses from اوّلِ قُرِنتیا 15

Share

امزی خاطر اَی بِرارونِ عزِیز، قایم و اُستوار بُمنِید. همیشه دَ کارِ مَولا پیشی بِگِیرِید، چُون شُمو مِیدَنِید که زَحمت شُمو دَ خِدمتِ مَولا بےفایده نِییه.

مگم خُدا ره شُکر که اُو دَ وسِیلِه مَولای مو عیسیٰ مسیح بَلدِه ازمو پیروزی مِیدیه.

بازی نَخورِید: «همنِشِینِ بَد، اخلاقِ خُوب ره فاسِد مُونه.»

لیکِن دَ وسِیلِه فَیضِ خُدا اَستُم هر چِیزی که اَستُم و فَیضِ ازُو دَ وجُودِ ازمه بےفایده نَبُوده، بَلکِه ما از پگِ ازوا کده کَلوتر زَحمت کشِیدُم؛ اگرچِه نَه خود مه، بَلکِه فَیضِ خُدا که قد از مه اَسته زَحمت کشِیده.

”اَی مَرگ، پیروزی تُو کُجا اَسته؟ اَی مَرگ، نیش تُو کُجا یَه؟“ نیشِ مَرگ گُناه اَسته و قُدرتِ گُناه، شریعت.

اینه، ما بَلدِه شُمو یگ راز ره مُوگیُم: پگ مو نَمُومُری، بَلکِه پگ مو تبدِیل مُوشی، دَ یگ لحظه، دَ یگ کِرپَک زَدو، دَ غَیتِیکه شیپُورِ آخِر زَده مُوشه. چُون آوازِ شیپُور بُر مُوشه و مُرده ها دُوباره زِنده مُوشه زِندِه از بَین نَرفتَنی، و مو تبدِیل مُوشی.

چُون امُو رقم که مَرگ از طرِیقِ یگ اِنسان اَمَد، امُو رقم دُوباره زِنده شُدو از مُرده ها ام از طرِیقِ یگ اِنسان اَمَد. پس امُو رقم که دَ گُناهِ بابای آدم پگ مُومُره، امُو رقم دَ قُربانی مسیح پگ زِنده مُوشه.

چُون اِی جِسمِ از بَین رفتَنی باید یگ جِسمِ از بَین نَرفتَنی بُپوشه و اِی جِسمِ مُردَنی باید یگ جِسمِ اَبَدی بُپوشه.

چُون اُو باید تا وختی حُکمرانی کُنه که تمامِ دُشمَنای خُو ره دَ زیرِ پای خُو پورته کُنه. دُشمونِ آخِر که نابُود مُوشه، مَرگ اَسته.