Popular Bible Verses from Sito 5

Share

i Pētēro zi zuma na sito temuvang: <<'azi mi ka'azi kureturus kana Viruwa i itras, amelri kureturus kana trau.

nazu kemazu kana wariwari kazu i vangesar ruma' zi na raruma'ruma' za trau 'azi maziyaazi panadam kana trau, palenak kana kireeman kani Kiristo Yēsu na fukuing.

marengay i Pētēro kantaw: <<Ananiya, kemuda zi kidadikus kana satang lra nu anger, venavetra' u kana Vangesar Lu'em, vilinaw a zuma na paisu kana trima' na 'uma? 'azi mutrima' na 'uma mu, maw ninu, nu mutrima' lra mu, zi na paisu maw ninu; kemuda zi mianger u za kemani ziyamaw? amelri u venavetra' za trau, maw venavetra' kana Viruwa i itras!>> i Ananiya a kinger kanini na ngay, zi mureve', minatray lra; na kinger kanini na lremak na trau mu salaw makaud mapiya.

kema ta kanini na lremak harem mu, marengaya ku kanmu, amanan kirepakuda kanazu, kalrawalrawi lra kanazu! nu maw tu niranganger nazu, tu kinakudayan nu maw kemay kana trau mu, 'azika'azi muranak; nu maw kemay kana Viruwa i itras, zi 'azi mu karuwa puilus kanazu. nanmu kinakuda, kakaud ta za maw kima'etrev kana Viruwa i itras lra!>> na gikay kituluz kanantu ngay ni Kamaliēl