Popular Bible Verses from Санау 13

Share

Негебде Амалеклиле жашайдыла. Хитлиле, эбуслула эм аморлула тау жерледе, кенанлыла уа тенгизни жагъасында бла Иордан сууну жагъасында жашайдыла.

Ала Исраил улуланы алларында тинтип чыкъгъан жерни аманларгъа кюрешип, былай айта эдиле: – Биз тинтип чыкъгъан жер аны юсюнде жашагъан адамланы ашап биттирген жерди. Биз анда кёрген битеу халкъ – бек узун бойлу адамладыла.

Калеб а Муссаны аллында халкъны тынчайтыргъа кюрешип: – Келигиз, ол жерни къолгъа алайыкъ! Бизни къарыуубуз жетерикди, – дей эди.

Алай а аны бла бирге баргъанла: – Биз ол халкъгъа уруш эталлыкъ тюйюлбюз, ол бизден кючлюдю, – дегендиле.

Ол адамла Муссагъа, Харуннга эм Исраил жамауатына Паран атлы къуу жердеги Кадешге къайтхандыла. Алагъа эм битеу Исраил жамауатха хапар айтып, ол жерни кёгетлерин кёргюзтгендиле.

Ала Муссагъа былай айтхандыла: – Сен бизни ийген жерге бардыкъ. Ол кертиси бла да сют бла бал баргъан жерди! Ма кёгетлери да.

Алай а ол жерде жашагъан халкъ кючлюдю, шахарлары уа деменгилидиле эм бек уллудула. Анда биз Анакъны туудукъларын да кёргенбиз.

Къыркъ кюнден, жерни тинтип чыкъгъандан сора, ала тасхачылыкъдан къайтхандыла.