Исраил улулары алагъа:
– Ай, биз Раббийни къолундан Мисирни жеринде ёлсек эди уа! Анда биз эт бишген къазанларыбызны къатларында олтуруп, ётмекни тойгъунчу ашап тургъанбыз. Сиз а битеу бу жамауатны ачдан къырыр ючюн, бизни бу къуу жерге чыгъаргъансыз, – дей эдиле.
Сора Раббий Муссагъа:
– Ма, Мен сизге кёкден ётмек жаудурурма. Халкъ чыгъып, кюн сайын бир кюннге кереклисин жыйсын. Мени насийхатларымы тутарыкъ болурламы деп, аланы сынарма.