Popular Bible Verses from ရိမ့ၤ 12

Share

တီၤ​နံၤ​ဖၱး​နံၤ​ပီၢ်​မဲး​ပၠၤ လၢ်​ခဳး​ဖဳး အ​အီၣ်​ခွဲ​ဘး​သံ​တ​စီာ်​အ​တဲၤ​ဖၱး​တဲၤ​မဲၤ​မဲး. မၱာ်​ဘါ​ချဲး ပီၢ်​သံ​တဲၤ​က​မ့ၤ​အ့း လိၤ​ဒဳ​တဲၤ​က​မဳၤ​က​မၢ်​အ​သဲ​အ​ပူၤ​နဳၤ. အ​ယဳၤ​မၱာ်​ကျဲး​သ​အီ​အ​ဒဲ​လၱၢ်​ဝၤ က​ဘၱာ်​စဲာ်​အ​တဲၤ​သး​အဲး​နံၤ​ကၱာ် အ​မဲၤ​သၱာ်​ဟဲ​ဝၤ​တဲၤ​ဇွၱၢ်​တဲၤ​အဲး​ထဲၢ် က​ဘၱာ်​စဲာ်​သး​အဲး​နံၤ​ကၱာ်​တဲၤ အ​ပ့​ထာ်​ဇီၤ​ထာ်​အ​မီၤ​မဲၤ​တ​စီာ်​နဳၤ.

ယ​သဲ​ပူၤ​ဝ့ၤ​တ​စီာ်, ယ​တၤ​မီၤ​သံ​က​မှါ​အံၣ်​ပီၢ်​က​ဘၱာ်​စဲာ်​အ​တဲၤ​ခီၣ်​ဝဲၤ​မှီး​ဘဲာ် အ​စာ်​ဘိ​ပွဲၤ​အ​တး​နံၤ​တဲၤ​က​မဳၤ​အီၣ် တ​စီာ်​နဳၤ, ဒဳ​တဲၤ​အံာ်​ထာ်​သံ​န့ၤ​ဘၱ​စဲာ်​အ​စာ်​ဘိ​တဲၤ​လှူၣ်​စါ​ထံ အ​ဘဲာ်​သး​က​ဘၱာ်​စဲာ်​တ​စီာ်​နဳၤ.

သံ​တဲၤ​ဆး​ရှံ​အီၣ်​အ​ခဳး​အ​စဲ​သး​က​နၢ်​အံာ် ပီၢ်. သး​ပျဲၢ်​ပီၢ်​မဲး​တဲၤ​ပၤ​တဲၤ​ဆဲ​အ​ကျဲ​မဲး, မၱာ်​သ​ဘဲ​ထာ်​ပီၢ်​အ​သဲာ်​ယိ.

မဲၤ​ဒၱာ်​ဒါ​တဲၤ​တ​အဲး​နီး​အ​ကျဲ​ကၱာ်​နဳၤ​ပဲၤ​ပီၢ်​စဲာ်​ကၱာ်​တဲၤ​အ​အဲး​လီး.

ဘဲာ်​လီၢ်​လှဲး​ပီၢ်​လၢ်​ဝၤ အ​စာ်​ဘိ​အ​သဲ​ပူၤ​ဝ့ၤ​နဳၤ, ကၱာ်​ဒဳ​ဘဲာ်​ယး​ဘဲာ်​လှဲး​ပီၢ်​လၢ်​ဝၤ​အ​စၱး​အ​ထွဲး.

သံ​တဲၤ​ဘဲာ်​လီၢ်​က​တ​မၱာ်​ဒီ​ပီၢ်​ဧဲၤ​အ​ပ​ရၤ​ဆး​နီး. မၱာ်​တဲၤ​သး အဲး​နံၤ​တဲၤ​အဲး​ဒဳၣ်​လံ​ကၱာ်​အ​တ​အဲး​နီး.

မၱာ် သံ​နဳၤ, အ​စာ်​ဘိ​သံ​ကဲာ်​ထာ်​အ​ဓ့, အီၣ်​ယၱၢ်​အီၣ်​ဒွါ​ပီၢ်​ပၠၤ​ကိ​အ​ပွဲၤ.

မဲၤ​က့ၤ​ပီၢ်​မဲး​တဲၤ​ခဳး​လံၢ်​တ​ပျါ​မဲး, အဳ​အ​သီၣ်, လဲၢ်​လၤ​ပီၢ်​ဒဳ​က​ဘၱာ်​စဲာ်​အ​စူး​ခီး​ပူၤ​နဳၤ​လီၤ. အ​စာ်​ဘိ​စဲာ်​စါ​ထံ​ဒီၣ်​နဳၤ, “​တဲၤ​မဲၤ က့ၤ​အ​ခဳး​လံၢ်​မၱာ်​ယ​အဲ, ယ​က​အံာ်​က့ၤ​ကီ​စဲာ်​တ​စီာ်,” က​ဘၱာ်​စဲာ်​အၣ်​မါ​ခး​အံာ်​ဒဳၣ်.

သး​က​လဳၢ်​မဲၤ​ပီၢ် တဲၤ​က​ဘၱာ်​စဲာ်​အ​နံၤ​ခံ​ဒဳ​တဲၤ​သး​က​လဳၢ်​ကၱာ် တဲၤ​ထူး​ခဳး​ထူး​အါ အ​ပူၤ​နဳၤ. သံ​တဲၤ​ဆး​ရှံ​အံာ်​က​အီၣ်​မၤ​ဒဳၣ်, အ​က​မဲၤ​မီၤ မဲၤ​မၤ တ​ပွဲး​သံ.

ဒဳ​ယ​နံၤ​ဘဲာ်​ခ​ရၱာ်​အ​တဲၤ​လှၱ​အ​ပူၤ​နဳၤ, ယ​သး​အဲး နှး​နီး​နှး​ပဲၤ သံ​တ​ပွဲၤ​တ​ပွဲၤ​လၤ​ဓူၢ်​အ​က​တ​ဖၱး​ဓဳၤ​ဖၱး​မူၤ​အ​န့ၤ​လိၤ​ချဳး​လိၤ​ဘး​နီး​နဳၤ. တ​ပွဲၤ​တ​ပွဲၤ​လၤ​ဓူၢ်​ဘဲာ်​သၱာ်​ဟဲ​လၤ​က့ၤ​အ​န့ၤ​ဒဳ​က​ဘၱာ်​စဲာ်​အံာ်​လၤ​နံၤ​စဲာ် တဲၤ​ဘူၣ်​အ​တဲၤ​ခၠံး​အ​ပူၤ​နဳၤ.

မဲၤ​က့ၤ​ပီၢ်​မဲး​တဲၤ​ခဳး​လံၢ်​ဒဳ​တဲၤ​တ​အဲး​နီး​အ​စဲ​မဲး. မၱာ်​ပၠၤ​ကိ အ​ပွဲၤ​က​ကဲာ်​ထၱး​ဒီ​ဧဲၤ​သံ​တဲၤ​က​မဳၤ​မၱာ်​အ​ထာ်​ယၱၤ​က​ဓူၤ​နဳၤ.

ဒဲ​လၱၢ်​ယါ​သိး​ပီၢ်​သံ​တဲၤ​ခီၣ်​ဝဲၤ​မှီး​ဘဲာ်​ပၠၤ​လဳ​စါ​စဲး​အ​ခဳး, စာ်​မဲး​ပၠၤ​အ​မူၢ်​ကါ မဲး, မၱာ်​မဲၤ သီၣ်​ပီၢ်​အ​ဆဲး​ညဲ​ဖဳး​တ​စီာ်​နဳၤ. မဲၤ​မီၤ​ပီၢ်​မဲး​သံ​န့ၤ​လီၤ​မဲး.

မၱာ်​အ​အီၣ်​ဝ့ၤ, “​န​သဲ​ဒဲ​ဒီၣ်​က​သး​ဝံာ်​ဒဳၣ်, န​မီၤ​အံာ်​စဲာ်​တဲၤ​အၣ်. စ​သး​အီ ဒဳၣ်, စ​အီ​ဒီ​ဧဲၤ​စဲာ်. နဲၤ​က​မဲၤ​က​နဳၤ​ဒဳၣ်, န​က​ဝူၤ​လၤ​ဝှါ​မှၱး​အူ​ဒဳ​စ​ကဳာ်​ခဳး​နဳၤ.”

ဟိး​ဝၱၤ​ပီၢ်​ပၠၤ​အ​လိၤ​မဲၤ​ဆဲး​ညဲ​သံ​တ​စီာ်​နဳၤ. ဝှိး ကၱ​ကဲာ်​မဲး စဲာ်​မဲး, ဟိး​ဝၱၤ​စဲာ်​တ​ခီ. သး​လဳၢ်​သး​လၤ အံာ်​ကိာ်​အ​သး​လဳၢ်​သး လၤ​တ​စီာ်​ကၱာ်​အဳး​သဳး​အဳး​သး​ကိာ်​ပီၢ်​အ​အဳး​မူး​အဳး​ရၤ​တ​စီာ်​အ​ကါ.

ပၠၤ​စာ်​ထၱး​တ​ပွဲၤ​ပွဲၤ​က​အီၣ်​ပၤ​အီၣ်​ဆဲ​မၤ​ဒဳၣ်, အံာ်​က့ၤ​စာ်​က့ၤ​ပီၢ်​စဲာ်. သံ တဲၤ​ဖၱး​တဲၤ​မဲၤ​တ​စီာ်​က​မၱာ်​ဘဲာ်​တဲၤ​ခီၣ်​ဝဲၤ​မှီး​ဘဲာ်.

အ​စာ်​ဘိ​ဝၤ​နဲၤ​ဘၱ​စဲာ်​တ​ကျိ​အီၣ် အံာ်​စူး​ဒ့​ခၣ်​ပီၢ်​အ​မဳ​အ​မဳၤ​အ​ခီ, ဒဳ​ခ​ရၱာ်​တဲၤ​န့ၤ​ဘၱ​စဲာ်​တ​ကျိ အ​လီၤ​နဳၤ​ဝၤ​မၱာ်​အ​ဘဲာ်​ကၠး​ဘဲာ်​ထီ​လှဲး​လၢ်​ဝၤ​လီၤ​လီၤ.