Popular Bible Verses from သဓဳဖဳး 16

Share

စဲာ်​တ​စီာ်​ဒီၣ်, “​ဘူၣ်​ပီၢ်​ဘၱာ်​စဲာ် ယ့ၣ်​ရှူး, ဒဳၣ်​န​က​နံၤ ဘဲာ် ကီ​တဲၤ​လှိ​ထာ်​က့ၤ ပျဳာ်​ပျဳာ်​ကၱာ်​န​ရှံၣ်​ဖဳး​ဖါ​ဖဳး​သ​ဒဲ​က​မူၤ,” စ​ဒီၣ်​လၢ် ဝၤ ဓဳၤ.

ဘ့​နဳၤ​တ​နဲၤ​ကျါ​မဲ​လူၤ​မူၤ​နဳၤ, စီၤ​ပီ​လူး​ကၱာ်​စီၤ​စံ​လၤ သ​ဘဲ ထာ်​ကၱာ်​သါ​ပိၢ်​ထါ ထာ်​အံာ်​ကဲၤ​က​ဘၱာ်​စဲာ်, ကၱာ်​အ​ဘဲာ်​ဒဳး​ဝဲၢ်​ကျဳၤ အ​လ​ဝ့ၤ​တ​စီာ်​ဆီး​ခ့​န့း​ကဲၤ. က​လိၢ် က​လ့ၤ​တဲၤ​ပဳၤ​သ့​ပွ့ၤ​သၱး​လၱ​တ​ဓဲ ထဳး​ကျ့ၤ​ကျၢ် ကဲၤ​တဲၤ​ကၱ​တၱၢ်​အ​ခၣ်​ထူၣ်. က​ယါ​ခး​ကျဲၢ်​တ​စီာ် ထဲး​ဝး​တ​ဘါ​လဳၢ်​ကဲၤ. အ​ဘဲာ်​ဒဳ​ဝဲၢ်​ကျဳၤ​လဳ စါ​စဲး တ​စီာ်​အ​လီၤ​ထး​လး​ပံၤ​လၤ​ဓ့ၢ်​ပျိာ် ကဲ​လဳၢ်​ကဲၤ.

မဲၤ​ဝှါ​စ​ဟဲး​ထာ်​အံာ်​ဟူ​လၢ်​ဝၤ အ​ချဳ​ကၱာ်​စ​ဒီၣ်, “​ဆ​ရၣ်​တ​စီာ်, စာ်​ဘိ​ထဲၢ် ယ​က​နံၤ​ဘဲာ်​တဲၤ​လှိ​ထာ်​က့ၤ​နဳၤ, ယ​မီၤ​မဲၤ​တၤ​နဲၢ်,” စ​ဒဲ​လၢ် ဝၤ​ဓဳၤ.

ဘ့​တဲၤ​ကၱ​တၱၢ်​အ​ခဳး​အ​န့ၤ​တ​ပွဲၤ​ဖိး သ​နဲး​ထာ်​ကၱာ် စာ်​ထၱး​ကဲၤ​ခး​ကျဲၢ်​တ​စီာ်​အီၣ် တ​ဘါ​ဝှံ​ဒဳၣ်, စ​ဘး​ထာ်​ဒာ်​ဆ့​အ​က​မဲၤ​သံ လၤ က့ၤ​အ​န့ၤ, စ​က​မဳၤ​မၱာ်​တဲၤ​ကၱ​တၱၢ်​ဖဳး​တ​စီာ် ဆဲး​ဖျီး​ထာ်​လဳၢ်​ကဲၤ. ပ​ရၤ​ဆါ​စီၤ​ပီ​လူး ကဲာ်​ဧဳၤ​ထဳ​ထာ်​စ​လ့ၢ်, စ​ဒီၣ်, “​မဲၤ​ဘဲာ်​ဒိ​ပီၢ်​မဲး​န​န့ၤ​မဲး. ဝၤ​အီၣ်​လဳ​တ​ပွဲး​ယဳၤ,” စ​ဒီၣ်​လၢ်​ဝၤ​ဓဳၤ.