Popular Bible Verses from သဓဳဖဳး 1

Share

ပ​ရၤ ဆါ​ဘ့ သး​စါ​ထံ​က​လၤ​ထၱး​သံ​တ​ပျာ်​နဳၤ, သံ​က​နံၤ​ဘဲာ် တ​ပွဲး အ​ဖျူ​အ​သ​ရ့ာ်​ကၱာ်​သံ​က​ခး​ကီ​ယ​နံၤ​ခံ​သဲ​သၱး​ဒဳ ယ​ရူၤ​ၡ​လ့ၣ်​အူး, ကၱာ်​ယူ​ဒၤ​က့ၤ​သ​ဒဲ က့ၤ​ကၱာ်​ရှၤ​မ​ရၱ, ထိ​ဓဳၤ​လၢ်​ခဳး​ကူ​ဓူၤ​နဳၤ,” စ​ဒီၣ်​လၢ်​ဝၤ​ဓဳၤ.

မၱာ်​စ​ဒီၣ်​က့ၤ​လၢ်​ဝၤ​တ​စီာ်, “​ဒဳ​အ​ပာ်​အ​ဖျူ​အ​သ​ရ့ာ်​အ​ပူၤ, စ​ပ့ၤ​လၤ​အ​ခၠၱး​အ​ကျၤ​စာ်​တဲၢ်​နဳၤ, သံ​သၱာ်​ဟဲ​အ​ခွဲး​တ​အီၣ်​နီး.

ကၱာ်​ဒီ​ဘ့​စ​အီၣ်​ယံၢ် ပျဳၤ​လၢ်​ဝၤ​အ​ခၠၱး​နဳၤ, စ​ထူး​လၤ​မှဲး​လၤ​လၢ်​ဝၤ​တ​စီာ်, “​ဟဲး​ပၢ်​ပီၢ်​မဲး​ယ​ရူၤ​ၡ​လ့ၣ်​အူး​မဲး, အီၣ်​ဆိ​ဧိၢ်​အံာ် ဘၱာ်​စဲာ်​ပာ်​အ​တဲၤ အဳ​လါ​ဖျး​လၤ​အ​က​အံာ်​သံ, ထဲၢ်​သံ သၱာ်​ဟဲ​ဘဲာ်​ဒဳ​ယ​လီၤ​မီၤ​ပူၤ​တ​စီာ်​နဳၤ. စီၤ​ယိၤ​ဟၣ်​ဖဳး​စူ​သံ​ကၱာ်​ထံ, မၱာ်​သံ​နဳၤ, တ​အီၣ်​ယၱၢ်​နံၤ​အီၣ်​ယၱၢ်​သဲ နီး, သံ​က​ဘဲာ်​ဖဳး​စူ​အံာ်​ကီ​သး​စါ​ထံ,” စ​ဒီၣ်​လၢ်​ဝၤ​တ​စီာ်​ဓဳၤ.

စ​ခး​တဲၤ​သံ​ကၱာ် ထာ်​ပဳၤ​က့ၤ​ဝှါ​အ​လ့ၤ​ကါ, စ​ပီၤ​ထာ်​ထၱး​လၢ်​ဝၤ အီၣ်​အဲ ပျာ်​ကၱာ်​ဒီ​ဆး​ကဲၤ​လၢ်​ဝၤ က​ဘၱာ်​စဲာ်​အ​ထံ​အ​က့ၤ အ​ဝၱၤ အ​ကဲ​ဒဳ​အ​နံၤ လွံၢ်​ရှံ, အ​သဲ​လွံၢ်​ရှံ​အ​ဓၢ်​ပူၤ, ကၱာ်​ဒဲ​လၱၢ် ထာ်​အီၣ်​သ​မိ​ဝ့ၤ​တ​ပွဲး​နဳၤ.

ဘ့​စ​ဒီၣ်​ဝှါ​က​နဳၤ, စ​ဘဲာ်​ဇၢ်​ထာ်​ကဲၤ​ဒဳ​လၢ်​ဝၤ တ​စီာ်​အ​မူၢ်​ကါ အ​လှီ​မီၢ်​ကၱာ်​တဲၢ် တ​ဘဳာ်​လၤ​ကၢ်​ဘံာ်​ကဲၤ​စဲာ်.

ကၱာ်​ဒီ​ဘ့​စဲာ်​တ​စီာ် စာ်​တ​ကြၱၢ်​နၱၢ်​သ​ဗ့​ဒဳ မီၢ်​ခဳး​လဲၢ်​နဳၤ, စာ် ပီၢ်, ပၠၤ​အ​ကိ​အ​သီး​ရှံာ်​ဒဳ​အ​ဘိး သါ တ​ရှံး​ကၠံၢ်​ပွဲၤ​ဆီ​ထဳး​အီၣ်​စ​ဇၤ​ဝၤ, ကၱာ်​စ​ဒီၣ် လၢ်​ဝၤ တ​စီာ်, “​အဳ​ပၠၤ​ကၤ​လံၤ​လဲ​ဖဳး​တ​စီာ်, သံ​စာ် မၤ​ဒဳ​မီၢ်​ခဳး​လဲၢ်​နဳၤ​နဲၢ်. ယ့ၣ်​ရှူး​ထဲၢ်​အ​ဘဲာ်​ဇၢ်​ထာ်​သံ​ဝံၢ် သံ​ဒဳ​မီၢ်​ခဳး​လဲၢ်​တ​ပွဲၤ​ယဳၤ​က​လၤ​ကီ​တ​ပျာ်​ပ့ၤ မဲၤ​အ​စာ် ဘိ​စ​က့ၤ​ထာ်​ကဲၤ​ယဳၤ​နဳၤ,” စ​ဒီၣ်​လၢ် ဝၤ​တ​စီာ်​ဓဳၤ.