Popular Bible Verses from SAHRUOTHUNA 17

Share

Abram kung sawcaky kung caky a ta ningta ABYIPA kha ama'a luo zaa luo te, “Kama ca Lesyice Khazing tana i cuo, i hmiekunglie hing risie riy aw li pata hring tie.

Na ming ca Abram ta cuo'a va tli, cuorasala Abraham tana a cuo'a tli; tahematapakieca nama ca mingphang hluvpuv ciypathlatuv tana ica tue tli.

I biekuona ca nama hne nama hnang taata a vaw riypa na samingsahlaa zaw chuo bangkhuo alalalieta chuozaa biekuona cuo riypata pahmang sa'a angte, nama hne nama hnang taata a vaw riypa na samingsahlaa zaw chuo bangkhuo cuo te ta nama Khazing ta i cuo aa.

“Kama ta nama hne biekuona i tuepa ca: Nama ca mingphang hluvpuv ciypathlatuv ta na cuo aa.

Khazing ta, “Cuo vyi, na napuvnung Sarah ta sacapaa pakha sa'a te, a ming ca Isak ta pata na sa aa. I biekuona kha ama hne pacu sa'a angte ama hnang taata a vawpa a samingsahlaa cuota chuozaa biekuona ta i pacuo sa aa.

Cakhutaata nama hne nama hnang taata a vaw riypa na samingsahlaa zaw kha ata lieta khyche ta nama cuonapa, Kanaan ruo bangkhuo hing chuozaa ta ca pi'a yi angte, kama ca nama Khazing ta i cuo aa,” a ta.

Abraham ca alyi lie kha a bu te, “Kung zakha a ta tlipa paa ta sacapaa a hnyi khu'a ma? Kung sawcaky a ta tlipa Sarah ta saa a sa khu'a ma? ta te a pahnyi.

Khazing ta Abraham ca, “Na napuvnung Sarai zaw kha Sarai ta pata ku'a va tli ciy, a ming ca Sarah tana a cuo'a tli.

Nama vangdaw kha a te'a ung cate, capa ca kama hne niema alalalieta biekuona pachangsana ta a cuo aa.

Cuorasala i biekuona ca huokung ata tiy hingta Sarah ta aca sapa riypa Isak hneta i pacu sa aa,” a ta.

Nama chuo chung bangkhuo niema chungtaata capaa a cuopa bangkhuo ca ning cari a ta pata vangdaw nama te aa, nama'a chungkhue lie a puvpa sii hne tuokaa ta nama calyipa ruohrang ming, nama samingsahlaa a cuo lipa tie zaw te nama te diy aa. Nama'a chungkhue lie a puvpa sii hne tuokaa ta nama calyipa ruohrang ming kha vangdaw amaa te aa. Cahaacata kama biekuona ca nama saa lieta chuozaa biekuona a cuo aa.