Popular Bible Verses from လုကာ 3

Share

လိုꩻ​ဖုံႏ​ကား​က​အဝ်ႏ ခံႏ​ဗ​တ္တိ​ဇံႏ ထီ​မင်္ဂ​လာႏ​ထွူ ဗွေႏ​ယေ​သျု​တဲ့ ခံႏ​ဗ​တ္တိ​ဇံႏ ထီ​မင်္ဂ​လာႏ​သွူ။ ဝွေꩻ​ဗွေႏ အဝ်ႏ​ဆု​တောင်ꩻကျာꩻ ခမ်း​ထီ​မို့ꩻ​လောင်း ဗွောင်​လွဉ်​စွဉ်ႏ​တဲင်၊ ဝိ​ညာဉ်ႏ​ကြောင်း​စင် ဗွိုန်​နုဲင်း ဝါး​လွီး တ​ဗာႏ​နဝ်ꩻ ကျွꩻ​လင်ꩻ​လွဉ် ဝွေꩻ​ဗွေႏ​လောင်း​နဝ်ꩻ​သွူ။ အဝ်ႏခမ်းထီ​မို့ꩻ​လောင်း ငဝ်း​သင်ႏ​လင်ꩻ​လွဉ်​တ​စွိုး၊ “​နာꩻ​နဝ်ꩻ​ထွာ ခွေ​က​ရက်​ငါႏ ခွေ​ပို​ခို​ရင်ꩻ။ စွဉ်ႏ​နာꩻ​နဝ်ꩻ ခွေ​ကျွိုက်​နစ်​သက်​ငါႏ” နုဲင်း​နဝ်ꩻ​သွူ။

နဝ်ꩻ​မꩻ ယော​ဟန် ဒေါ့ꩻ​ဖေႏ​ဝွေꩻ​သီး ကား​က​အဝ်ႏ၊ “​တွမ်ႏ​ထီ​နဝ်ꩻ ခွေ​ဖေႏ​သီ ဗ​တ္တိ​ဇံႏ​မင်္ဂ​လာႏ၊ ကွဲႏ​တွော့ꩻ ပါꩻ​အ​ဖြာꩻ က​အဝ်ႏ​ကျွꩻ​လွဉ်​ဒါႏ​နဝ်ꩻ တန်​မျတ်​ကယ်ꩻ​က​ခွေ​သွူ။ ခွေ​အီႏ​စေ​ငါ ဝွေꩻ​ဗွေႏ အ​ခင်ႏ​ဖါႏ​ဖြွီꩻ​ဖုံႏ​ငါ​တဲ့ တ​ထွိုက်​တဝ်း​သွူ။ ဝွေꩻ​ဗွေႏ​နဝ်ꩻ အီႏ​ဖေႏ​သီ ဗ​တ္တိ​ဇံႏ ထီ​မင်္ဂ​လာႏ တွမ်ႏ​ကြောင်း​စင် ဝိ​ညာဉ်ႏ​တောႏ တွမ်ႏ​မေႏ​နဝ်ꩻ​သွူ။

သီ​အဝ်ႏ​မာꩻ အ​ပဲစ်​ဖုံႏ လꩻ​လဲဉ်း ထာꩻ​ကော့ꩻ​မာႏ​ကျောင်ꩻနဝ်ꩻ အီႏ​အွဉ်ႏ​နယ်​ဖေႏ​ဗာႏ တွမ်ႏထာꩻ​မာꩻ အ​ကျင်ꩻ​ဖုံႏ​သွူ။ အ​ဗြာ​ဟံ ထွာ​သီ​ဖါ​ဖြား​နဝ်ꩻ တွမ်ႏ​ရိုꩻ​ချာ​မွိုန်း​သီ​နမ်း။ ခွေ​ဒေါ့ꩻ​နယ်​သီ ဗွေႏ​ဘု​ရာꩻ​နဝ်ꩻ ထူႏ​လုံး​တူႏ ယို​ဖုံႏ​တဲင် မာꩻ​ထွာ​နွောင်ꩻ အ​ဗြာ​ဟံ​ပို​လီꩻ​နဝ်ꩻ​သွူ။

ခွါ က​အီႏ​ခွဉ်း​ဝꩻ​အီ သေင်ႏ​မွူး​နဝ်ꩻ အွဉ်ႏ​သေꩻ​မꩻ​လဲ​ဥ်း အ​ရွီး​ထျꩻ​နဝ်ꩻ​သွူ။ သေင်ႏ​စွုမ်ႏ​မွူး တ​ရာႏ​တဝ်း အရာႏဟဝ်နဝ်ꩻ အီႏ​ခွဉ်း​ဝꩻ​တဲင် နုဲင်ႏ​သော့ꩻ မေႏ​ကို​နဝ်ꩻ​သွူ။

နုဲင်း​ပ​ရော​ဖဲစ် ဟေ​သျာ​ယ က​တဲမ်း​သေꩻ​ခါꩻ ပ​ရော​ဖဲစ် ဟေ​သျာ​ယ ကျမ်ꩻ​အုပ်​ကို​၊ “​ပါꩻ​တ​ဖြာꩻ အဝ်ႏ​ခြောဝ်​သော့ꩻ အ​ငဝ်း က​န္တာ​ရ​သုဲင်ꩻ​ခြာ​ကို၊ ‘​ထာ​ဝ​ရ​ဘု​ရာꩻ​တာႏ​နဝ်ꩻ ဖျင်​ရဲဉ်ꩻ​သေꩻ​မꩻ​သွော့ တ​ဖူꩻ​တန်၊ ဝွေꩻ​ဗွေႏ အီႏ​ထောင်​လွေꩻ​တာႏ တ​ဖူꩻ​နဝ်ꩻ မာꩻ​စွဉ်ႏ​စွဉ်ႏ​ဖေႏ​သွော့။ ထာꩻ​ခြောင်ႏ​ဖုံႏ ကား​က​အဝ်ႏ​နဝ်ꩻ ထုမ်​ဗွေ​ဖေႏ​ဗာႏ၊ ကောင်​ပူႏ​ပေႏ​ဖုံႏ ကား​က​အဝ်ႏ​နဝ်ꩻ မာꩻ​တွောင်း​ဖေႏ​ဗာႏ၊ တ​ဖူꩻ​တ​ကဲင်ႏ​ဖုံႏ​နဝ်ꩻ အီႏ​မာꩻ​စွဉ်ႏ​ဖေႏ​ဗာႏ​တဲင်၊ တ​ဖူꩻ​ကျံꩻ​ဖုံႏ​နဝ်ꩻ မာꩻ​ချော်ꩻ​ဖေႏ​ဗာႏ​နဝ်ꩻ​သွူ။ လိုꩻ​မျိုꩻ​ဖုံႏ ကား​က​အဝ်ႏ​နဝ်ꩻ အီႏ​ထီႏ​ဗာႏ ဗွေႏ​ဘု​ရာꩻ အ​ထာꩻ​ကယ်ႏ​တင်ႏ” နုဲင်း​နဝ်ꩻ​သွူ။