Popular Bible Verses from လုကာ 1

Share

ဗွေႏ​ဘု​ရာꩻ တ​မာꩻ​နွောင်ꩻ​တဝ်း​နဝ်ꩻ တ​စွိုး​ငါ​တဲ့ အဲဉ်​ထဝ်း​သွူ။

မာ​ရိ​ဒေါ့ꩻ၊ “​ခွေ​သွဉ်း​မူႏ​နဝ်ꩻ​ထွာ​ဒျာႏ ထာ​ဝ​ရ​ဘု​ရာꩻ အ​သွဉ်း​မူႏ​သွူ။ နုဲင်း​နာꩻ​က​ဒေါ့ꩻ​ဖေႏ ခွေ​သွဉ်း​မူႏ​အ​တွိုင်ꩻ ယံ​ဖေႏ​က​ထွာ​သွော့” နုဲင်း​နဝ်ꩻ​တဲင် မို့ꩻ​လောင်း​တ​မန်ႏ အဝ်ႏ​ဝွေꩻ​မူႏ​ထျꩻ ထန်ႏ​ထိုꩻ​စွဉ်ႏ​နဝ်ꩻ​သွူ။

မို့ꩻ​လောင်း​တ​မန်ႏ​လဝ်း​ချာ၊ “​ကြောင်း​စင်​ဝိ​ညာဉ်ႏ​တောႏ အီႏ​ကျွꩻ​လွဉ် နာꩻ​အ​လောင်း​တဲင် ဗွေႏ​ဘု​ရာꩻ တန်ꩻခိုꩻ​နဝ်ꩻ အီႏ​အဝ်ႏ​တီႏ နာꩻ​လောင်း​သွူ။ ပွိုး​အ​ကျောင်ꩻခ​ရာႏ နုဲင်း​ယို​အ​တွက် လိုꩻ​ပေႏ​ကြောင်း​စင်​နဝ်ꩻ အီႏ​ဟဲ့ꩻ​ဗာႏ ဗွေႏ​ဘု​ရာꩻ ပို​ခို​တောႏ​နဝ်ꩻ​သွူ။

နုဲင်း​ထာ​ဝ​ရ​ဘု​ရာꩻ ငဝ်း​သ​တင်ꩻ က​ဖေႏ​ဒါႏ​နာꩻ အီႏ​ဗွေ​မဲဉ်ႏ​လွဉ်​နဝ်ꩻ နာꩻ​ယွုမ်း​နဝ်ꩻ​မꩻ မင်္ဂ​လာႏ​အဝ်ႏ​ငါႏ ခွိုင်း​ကား​မုဲင်ꩻ။

နာꩻ​အီႏ​တယ်ႏ သ​န္ဓေႏ​တဲင် အီႏ​လွူး​လွဉ် ပို​ခို​တ​ဖြာꩻ​တွော့ꩻ နာꩻ​အီႏ​ဖန်​ဟဲ့ꩻ​ဖေႏ​ဗာႏ ဝွေꩻ​မဉ်ꩻ ယေ​သျု​သွူ။ ​ဝွေꩻ​နဝ်ꩻ အီႏ​တန်​မျတ်​တဲင် အီႏ​ဟဲ့ꩻ​ဗာႏ အ​ထို​သွတ်ꩻ ဗွေႏ​ဘု​ရာꩻ ပို​ခို​နဝ်ꩻ​သွူ။ ထာ​ဝ​ရ​ဘု​ရာꩻ ဗွေႏ​ဘု​ရာꩻ နဝ်ꩻ အီႏ​ခန်ꩻ​ဝွေꩻ ခွန်​တန်​တ​ပါꩻ နုဲင်း​ဝွေꩻ​ဖါ​ဖြား ဒါ​ဝိဒ် က​ထွာ​အ​တွိုင်ꩻ​တဲင်၊ ဝွေꩻ​နဝ်ꩻ အီႏ​ထွာ​သေႏ​သေႏ​ဗာႏ ယာ​ကုပ် ပို​လီꩻ​စွိုး​ခွိုꩻ အ​ခွန်​တန်​သွူ၊ ဝွေꩻ​အ​ခမ်း​ထီ နဲင်ႏ​ငံႏ​နဝ်ꩻ မုဲင်ꩻ​ခါ​တဲ့ အီႏ​တ​သွတ်ꩻ​တဝ်း” နုဲင်း​နဝ်ꩻ​သွူ။

မို့ꩻ​လောင်း​တ​မန်ႏ ဒေါ့ꩻ​ဖေႏ​ဝွေꩻ​မူႏ၊ “​မာ​ရိ၊ တွမ်ႏ​ငမ်း​သꩻ​မွိုန်း။ နာꩻ​ခံႏ​စာꩻ​ဗာႏ​လဲဉ်း ဗွေႏ​ဘု​ရာꩻ ကေꩻ​ဇူꩻ​တောႏ​နဝ်ꩻ​သွူ။