အချိန်ႏထွိုင်ႏည ဝွေꩻအဗွေႏမာနဝ်ꩻ သꩻစွဲꩻလွဉ် ယောသပ်တဲင် ဝွေꩻမူႏ ကွီဗေင်ႏငီꩻစွဉ်ႏ ဝွေꩻသွူ။ ကွဲႏတွော့ꩻ ယောသပ် တစူꩻတဝ်းတဲင် ဒေါ့ꩻချာဝွေꩻမူႏ “ထွားမွိုင်၊ ကွပ်ပွိုး ခွေအဝ်ႏလမ်းကိုတဲင် ခွေဗွေႏနဝ်ꩻ ကိစ္စအမျိုꩻမုဲင်ꩻမုဲင်ꩻတဲ့ꩻ ဝွေꩻတယူႏ ဗာႏတဝ်းဒွုမ်သွူ။ ဝွေꩻကပဲင်ႏဒါႏ ဥစ္စာႏဖုံႏ ကားကအဝ်ႏ ဖေႏကထိန်ꩻထွားနဝ်ꩻ ဝွေꩻအပ်လို့လဲဉ်း ခွေသွူ။ လမ်းကိုယိုနဝ်ꩻ ခွေဩဇာႏ အာႏဏာႏအဝ်ႏ နုဲင်းခွေဗွေႏဩဇာႏ အာႏဏာႏ နဝ်ꩻသွူ။ ပေါႏလွိုနာꩻ ထာꩻခြိုꩻလမ်းကိုနဝ်ꩻ တအပ်သေꩻတဝ်းခွေ တအဲဉ်ထဝ်း။ နဝ်ꩻမꩻ မာꩻဒုစရဲက် အကျင်ꩻစားယိုတွမ်ႏ ကအီႏပဲစ်မာႏ ဗွေႏဘုရာꩻနဝ်ꩻ ခွေအီႏမာꩻနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။