Popular Bible Verses from ကမ္ဘာႏစ 3

Share

ပါꩻမူႏ​ထီႏ သေင်ႏ​မွူး တ​ရေꩻ​ငါႏ​တဲင် အ​ရာႏ​နဝ်ꩻ ရ​အံႏ​အွီႏ​ငါႏ​သွူ၊ ဝွေꩻ​မူႏ​ယူႏ ဥာဏ်ႏ​မဉ်ႏ​အဝ်ႏ​နဝ်ꩻ ဟဝ်​အံႏ​ဖြာႏ​ငါႏ ထင်း​နုဲင်း​နဝ်ꩻ​တဲင် ဝွေꩻ​မူႏ​ထူႏ သေင်ႏ​ရာႏ ယင်​ဟန်ႏ အံႏ​စွဉ်ႏ​သွူ၊ နဝ်ꩻ​ထွူ ဝွေꩻ​မူႏ​ဖေႏ​ပါ အ​ဝါꩻ သေင်ႏ​ရာႏ ယင်​ဟန်ႏ​တဲင် ဝွေꩻ​နဝ်ꩻ​တဲ့ အံႏ​စွ​ဥ်ႏ​နေ​နေ​သွူ။

ယို​ခါ ထာ​ဝ​ရ​ဘု​ရာꩻ ဗွေႏ​ဘု​ရာꩻ က​ဖန်​ဆင်ꩻ​လဲဉ်း​ကို ရူး​ယို​နဝ်ꩻ ထွာ​တိ​ရ​စ္ဆာန်ႏ လက်ꩻ​လဲဉ်​လွို​လဲဉ်း​ဝင်ꩻ​သွူ။ ရူး ရီ​ပါꩻ​မူႏ၊ “​ထာ​ဝ​ရ​ဘု​ရာꩻ ဗွေႏ​ဘု​ရာꩻ ဒေါ့ꩻ​ခါꩻ​ဖေႏ​နာꩻ သေင်ႏ​မွူး က​အဝ်ႏ​သော့ꩻ ဥ​ယျာဉ်ႏ​ခြံ​ကို အ​ရာႏ​ဖုံႏ​နဝ်ꩻ အံႏ​ဗာႏ​တဝ်း မွေး​နဲ့။”

နာꩻ​တွမ်ႏ လိုꩻ​မူႏ​နဝ်ꩻ ဖေႏ​က​လွꩻ​ထီႏ လို့​ဝင်ꩻ​နဝ်ꩻ ခွေ​အီႏ​မာꩻ၊ နာꩻ​စွိုး​ခွိုꩻ​တွမ်ႏ လိုꩻ​မူႏ​စွိုး​ခွိုꩻ​နဝ်ꩻ အီႏ​ထွာ​တ​သေႏ ရန်ႏ​သူႏ၊ လိုꩻ​မူႏ​စွိုး​ခွိုꩻ​နဝ်ꩻ အီႏ​ခြွုတ်​ပဲစ်ꩻ နာꩻ​က​တူႏ​တဲင် နာꩻ​အီႏ​အဲင်ႏ ဝွေꩻ​သီး​စွိုး​ခွိုꩻ ခင်ႏ​ဒွိုႏ” နုဲင်း​နဝ်ꩻ​သွူ။

တဲင်​ဝွေꩻ​ဗွေႏ မိန်း​ဖေႏ​ပါꩻ​မူႏ “​နာꩻ​အီႏ​ခံႏ​ဗာႏ ဒွိုင်​ပို​တဲင် ထာꩻ​ဒု​က္ခ အီႏ​အာ​လွဉ်၊ နာꩻ​အီႏ​လွူး​ဗာႏ​ပို ခံႏ​ဗာႏ​ဝေႏ​ဒ​နာႏ ထာꩻ​ဆာ​သွူ။ ခံႏ​ဗာႏ​နုဲင်း​နဝ်ꩻ စွဉ်ႏ​တဲ့ နာꩻ​အဝ်ႏ​ရက်​စွဲꩻ​ဒျာႏ​က နာꩻ​ဝါꩻ​သွူ။ ကွဲႏတွော့ꩻ နာꩻ​နဝ်ꩻ အီႏ​ခံႏ​ဗာႏ ဝွေꩻ​ထာꩻ​အုပ်​စိုꩻ” နုဲင်း​နဝ်ꩻ​သွူ။

နာꩻ​နဝ်ꩻ အဝ်ႏ​ဟံႏ​ထွာ​လွဉ်​တဲင် ဗ​တွိုႏ​က​သဲင်ꩻ​ချာ​ဗာႏ ဟံႏ​ကို ဖေႏ​က​လꩻ ထာꩻ​အံႏ​စွုမ်ႏ​စွိုး က​သိုꩻ​ထန်ႏ​တဲင် လုပ်ꩻ​မာꩻ ယပ်ꩻခုဲင်ႏ​ဗာႏ​သွူ။ နာꩻ​နဝ်ꩻ မာꩻ​ထွာ​လွဉ်​လဲဉ်း တွမ်ႏ​ဟံႏ​နဝ်ꩻ​မꩻ အီႏ​သဲင်ꩻ​ချာ​ဗာႏ​ယင်း ဟံႏ​သွူ။”

တဲင်​ဝွေꩻ​ဗွေႏ မိန်း​ဖေႏ လိုꩻ​ခို “​ခွေ​မိန်း​ဖေႏ​နာꩻ၊ အံႏ​မွိုန်း သေင်ႏ​ရာႏ​နဝ်ꩻ ပွိုး​နာꩻ​နာႏ နာꩻ​မာ​ငဝ်း​တဲင် အံႏ​လဲဉ်း​နဝ်ꩻ​မꩻ ဟံႏ​နဝ်ꩻ အီႏ​ခံႏ​ဗာႏ စိန်ႏတရေႏ။ နာꩻ​အံႏ​အွꩻ​တာႏ အီႏ​လုပ်ꩻ​မာꩻ​ယပ်ꩻ​ဗာႏ နာꩻ​ဘ​ဝ တ​သက်​လွုမ်း​သွူ။

ဗွေႏ​ဘု​ရာꩻ​ရီ “​သီ အဝ်ႏ​တ​လီꩻ​ထာꩻ နုဲင်း​နဝ်ꩻ ပါꩻ​မုဲင်ꩻ​ရိုꩻ​သီ​ဟောင်း၊ ခွေ​ဒေါ့ꩻ​ခါꩻ အံႏ​မွိုန်း သေင်ႏ​ရာႏ​နဝ်ꩻ သီ အံႏ​လဲဉ်း​ဟောင်း။”

နဝ်ꩻ​ထွူ ဧ​ဒေင်​ခြံ အ​ခဝ်​ကွဉ်ႏ​ဖဲ့ꩻ ထာ​ဝ​ရ​ဘု​ရာꩻ ဗွေႏ​ဘု​ရာꩻ အွဉ်ႏ သက်​မွန်​သ​တ္တ​ဝါႏ တွမ်ႏ​နꩻ​လျော်ꩻ​မေႏ​တ​ဗာႏ အုံ​ပွေါး​ခူ​ခါꩻ​သွူ။ ယို​နဝ်ꩻ မာꩻ​ဖေႏ ပါꩻ​မုဲင်ꩻ​တဲ့ က​လွဉ်​ဗော့ꩻ​လꩻ​မွိုန်း က​ဖေႏ​ဒါႏ အ​သက်​မွန် သေင်ႏ​မွူး​နဝ်ꩻ အ​ထျꩻ​သွူ။

အာ​ဒံ ဖန်​ဟဲ့ꩻ​ဖေႏ ဝွေꩻ​အ​မာ​မဉ်ꩻ​နဝ်ꩻ ဧ​ဝ​သွူ။ ပွိုး​တွော့ꩻ ဝွေꩻ​မူႏ​နဝ်ꩻ အီႏ​ထွာ လိုꩻ​ကား​က​အဝ်ႏ အ​မွိုး​သွူ။