Popular Bible Verses from တမန်ႏတောႏ 4

Share

ထာꩻ​ကယ်ႏ​တင်ႏ​နဝ်ꩻ အီႏ​လꩻ​အီ​ဒျာႏ​စွဉ်ႏ ဝွေꩻ​ဗွေႏ တ​ပါꩻ​လွုမ်ꩻ​သွူ။ ဟံႏ​တန်​လောင်း​ကို​ယို ကား​က​အဝ်ႏ ဗွေႏ​ဘု​ရာꩻ က​ကယ်ႏ​အီဒါႏ​နီ​နဝ်ꩻ အ​လင် တ​ဖြာꩻ​ဖြာꩻ​အဲဉ်​ထဝ်း၊” နုဲင်း​နဝ်ꩻ​သွူ။

ဝွေꩻ​သီး ထွိုင်ႏ​ဆု​တောင်ꩻထွူ​ချိန်ႏ၊ ခင်ႏ​လမ်း ဝွေꩻ​သီး က​အဝ်ႏ​မော့ꩻ​ခွဲ အုံကွံလို့​ဒါႏ​ဝင်ꩻ​ကို​နဝ်ꩻ တ​သွိုး​စွဉ်ႏ​နဝ်ꩻ​သွူ။ ဝွေꩻ​သီး ကား​က​အဝ်ႏ​နဝ်ꩻ အဝ်ႏ​ဗွေ​စွဉ်ႏ ကြောင်း​စင် ဝိ​ညာဉ်ႏ​တောႏ​တဲင် စွဉ်ႏ​ထာꩻ​သꩻ​ရုဲင်း ဟော်ꩻ​ကေႏ​ညာႏ​စ​စွဉ်ႏ ဗွေႏ​ဘု​ရာꩻ​အ​တ​ရာꩻ” နဝ်ꩻ​သွူ။

ဝွေꩻ​သီး က​အဝ်ႏ​ဒိုႏ​ဒါႏ​ထာꩻ​နဝ်ꩻ ယို​ခါ ဗွေႏ​ဘု​ရာꩻ ထူႏ​ရေꩻ​ဗဲင်း​တွော့ꩻ ၊ နီ​ဗွေႏ အ​သွဉ်း​ဖုံႏ ဖေႏ​က​ဒေါ့ꩻ​ဟော်ꩻ​ရုဲင်း နီ​ဗွေႏ​တ​ရာꩻ​နဝ်ꩻ ဖေႏ​နီ​အ​ခွင်ꩻ​မွိုင်။

ဗွေႏ​ယေ​သျု​နဝ်ꩻ ထွာ​ဗွေႏ​အ​ပါꩻ လိတ်ကျမ်ꩻ​ကို​က​ရိုꩻ​ဒါႏ၊ ‘​သီ​လမ်း​မာꩻ​သား​ဖုံႏ က​ပယ်ႏ​ထိုꩻ​ဒါႏ လုံး​တူႏ​နဝ်ꩻ၊ ထွာ​ခွိုန်ꩻ​ချာ​ယင်း ကား​က​အဝ်ႏ​အ​ကို အ​ရေꩻ​တန်​သွတ်ꩻ’ နုဲင်း​နဝ်ꩻ​သွူ။

ပေ​တ​ရု​တွမ်ႏ ယော​ဟန်​နဝ်ꩻ လိုꩻ​ဒါႏ​ပ​ညာႏ​သား တ​မွေး​တဝ်း၊ လိုꩻ​ရိုꩻ​ရိုꩻ​သာꩻ​သာꩻ​ဒျာႏ​တွော့ꩻ ရုဲင်း​ငါႏ​ကျောင်ꩻ တ​ရာꩻ​လွတ်​တောႏ ကောင်​စီ စွုမ်ꩻ​စွိုꩻ​သား​ဖုံႏ ထွိုင်ႏ​ထီႏ​နဝ်ꩻ အံႏ​ဖြာႏ​မွေး​ငါႏ​သွူ။ ဝွေꩻ​သီး​ဝင်ꩻ​နီ​ယို အဝ်ႏ​ပါ​ငီꩻ ဗွေႏ​ယေ​သျု​အ​စွိုꩻ​နဝ်ꩻ တွိုႏ​နဝ်ꩻမꩻ ဝွေꩻ​သီး တောင်ꩻ​ချာ​ယင်း​သွူ။

လိုꩻ​က​ယွုမ်း​သား​စွိုꩻ​နဝ်ꩻ သွိုန်ႏ​သꩻ​သ​ဘော်ꩻ အဝ်ႏ​တ​ဖြုံႏ​ချင်ႏ​သွူ။ ဝွေꩻ​သီး​နမ်း က​ပဲင်ႏ​ဒါႏ ထာꩻ​ခြိုꩻ​နဝ်ꩻ ပါꩻ​မုဲင်ꩻ​တ​ဖြာꩻ​တဲ့ တ​ဒေါ့ꩻ​တဝ်း အ​ထာꩻ​ခြိုꩻ၊ ကွဲႏ​တွော့ꩻ ဝွေꩻ​သီး က​အဝ်ႏ​ဒါႏ ထာꩻ​ခြိုꩻ​ဖုံႏ ကား​က​အဝ်ႏ​နဝ်ꩻ ဝွေꩻ​သီး တ​ဖြာꩻ​တွမ်ႏ​တ​ဖြာꩻ ဖ​ဖေႏ​လို့​စွဉ်ႏ​ဝင်ꩻ​သွူ။