Popular Bible Verses from တမန်ႏတောႏ 17

Share

ဝွေꩻ​ဗွေႏ က​မာꩻ​ဗာႏ နုဲင်း​ယို​နဝ်ꩻ ဖေႏ​နေး လိုꩻ​ဖုံႏ က​ထုမ်ႏ ဝွေꩻ​ဗွေႏ​တဲင် နုဲင်း​ဝွေꩻ​သီး က​အဝ်ႏ​ထုမ်ႏ​ဒါႏ ဝွေꩻ​ဗွေႏ အ​တွိုင်ꩻ မဲ့ꩻ​ကုဲင်း​မော့ꩻ​ဒါႏ ဝွေꩻ​ဗွေႏ​သွူ။ ကွဲႏ​တွော့ꩻ အ​မဲဉ်ႏ​နဝ်ꩻ ဗွေႏ​ဘု​ရာꩻ တ​အဝ်ႏ​ညာꩻ​တဝ်း စွဉ်ႏ​နီ တ​ဖြာꩻ​ဖြာꩻ​သွူ။

တယ်ႏ​စ​စွဉ်ႏ လိုꩻ​တ​ဖြာꩻ​တွော့ꩻ ဝွေꩻ​ဗွေႏ ဖန်​ဆင်ꩻ မာꩻ​ထွာ​လွဉ် လိုꩻ​မျိုꩻ​ဖုံႏ ကား​က​အဝ်ႏ​တဲင် အွဉ်ႏ​ဝွေꩻ​သီး အုံ​ဗွေ​စွစ်ꩻ​စွဉ်ႏ တ​ဟံႏ​တန်​လွုမ်း​သွူ။ ဝွေꩻ​သီး အီႏ​အုံ​အဝ်ႏ သက်​မွန်​ဗာႏ ခင်ႏ​လမ်း​စွဉ်ႏ အ​ချိန်ႏ​ကာႏ​လ​ဖုံႏ​နဝ်ꩻ ဝွေꩻ​ဗွေႏ​နမ်း ထွော့​ခါꩻ​ရီး​ဖေႏ​သွူ။

ဗွေႏ​ဘု​ရာꩻ က​ဖန်​ဆင်ꩻ မာꩻ​ထွာ​လွဉ်​ဒါႏ က​မ္ဘာႏ​လော​က​စွဉ်ႏ ဟံႏ​တန်​ကို က​အဝ်ႏ​သော့ꩻ​ဒါႏ ထာꩻ​ကာ​အဝ်ႏ​နဝ်ꩻ ထွာ​ဒျာႏ မို့ꩻ​တွမ်ႏ​ဟံႏ အ​ဗွေႏ​နဝ်ꩻ​မꩻ စွဉ်ႏ​လိုꩻ​စူ က​မာꩻ​နေး​ဒါႏ ဗိ​မာန်ႏ​တောႏ ကျောင်ꩻကို​နဝ်ꩻ တ​ကိန်ꩻ​သော့ꩻ​တဝ်း​သွူ။

စွဉ်ႏ​ဝွေꩻ​ဗွေႏ က​လွိုက်​သေꩻ​ခါႏ​ဒါႏ လိုꩻ​တ​ဖြာꩻ​နဝ်ꩻ စွဉ်ႏ​တ​ရာꩻ​တ​ရျား ဝွေꩻ​ဗွေႏ က​အီႏ​စီႏ​ရင်ႏ တ​ဟံႏ​တန်​လွုမ်း အ​နီꩻ​နဝ်ꩻ ဝွေꩻ​ဗွေႏ ထွော့​ခါꩻ​ထွူ​လဲဉ်း နဝ်ꩻ​သွူ။ ယို​နဝ်ꩻ စွဉ်ႏ​အဝ်ႏ​ထာꩻ​သီ က​မာꩻ​ထွိုင်ႏ​မွန်​ဖေႏ လိုꩻ​ခို​နဝ်ꩻ ဝွေꩻ​ဗွေႏ​ဖေႏ လိုꩻ​စွုမ်ႏ​ဖြာꩻ သက်​သေႏ ခွေါင်ခံႏ​သွူ။

တယ်ႏ​စွဉ်ႏ နီ​က​အဝ်ႏ​ထွာ​ဒါႏ ဗွေႏ​ဘု​ရာꩻ ပို​ဖုံႏ​အ​တွိုင်ꩻ စွဉ်ႏ​လိုꩻ​ပန်း​ပု အ​နု​ပ​ညာႏ​စွဉ်ႏ အ​ထာꩻ​ဒါႏ​လျင်ႏ​ဖုံႏ​နဝ်ꩻ မာꩻ​ဗွိုန်​နုဲင်း ဝွေꩻ​ဗွေႏ ပွုံႏ​သ​ဏ္ဌာန်ႏ တွမ်ႏ​ခံꩻ​ရွုတ်​တု တဲ့ꩻ​နဝ်ꩻ၊ ရွဉ်​ရွုတ်​တု တဲ့​နဝ်ꩻ၊ လုံး​ရွုတ်​တု တဲ့​နဝ်ꩻ၊ နီ​တ​ဟဝ်​မာꩻ​တဝ်း​သွူ။