Popular Bible Verses from Deuderonomi 11

Share

Kumwail padahkihong noumwail seri kan. Koasoia nan imwamwail oh wasa teikan, ni ahnsoun kommoal oh ni ahnsoun doadoahk.

“Kumwail tamataman kosonned pwukat oh kesempwalki mehlel. Pirehiong ni pehmwail kan oh ni temwamwail kan pwehn wia kilel en mehn kataman ong kumwail.

“Eri, kumwail kapwaiada kosonned akan me I kihong kumwail rahnwet; kumwail poakohng KAUN-O, amwail Koht, oh papah sang nan kapehdamwail unsek. Ma kumwail pahn kin wia met, e pahn kin ketin kadaridiong keteu pohn sapwamwailo ni ahnsou me kumwail pahn anahne, ni ahnsoun isol oh ahnsoun rahk, pwehn mie wahntuhke, wahn wain oh lehn olip kan ong kumwail

“Poakohng KAUN-O, amwail Koht, oh kapwaiada sapwellime kosonned akan ahnsou koaros.

“Rahnwet I pahn kihong kumwail en pilada nanpwungen kupwuramwahu oh keria– kupwuramwahu, ma kumwail peikiong mahsen en KAUN-O, amwail Koht, me I kihong kumwail rahnwet; a keria, ma kumwail sohte peikiong mahsen pwukat ahpw sohpeisang pwehn pwongih koht teikan me kumwail sohte kin pwongih mahs.

Kumwail ntingihediong ni uhren imwamwail kan oh ni ewen amwail kehl kan. Kumwail oh noumwail seri kan ahpw pahn mour werei nan sahpw me KAUN-O ketin inoukihong amwail pahpa kahlap ako. Kumwail pahn mihmihte nan sahpwo erein pahnlahng eh pahn mihmihte pohn sampah.

Kumwail dehr dohweisang KAUN-O, ni amwail pahn pwongih oh papah koht teikan.