Popular Bible Verses from نامَه رومی کلیسا را 1

Share

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

چوم اِنجیلی کا، اَ صالح بییِه ای که خِدا کایَه آشکار آبو، که اوّلی نَه تا آخِر، ایمانی سَر پابَرجایَه. هَتَه که حَبَقوق پیغمبری کیتابی کا نیویشتَه بییَه که: «صالحَ آدَم ایمانی نَه زِندگی بَکَردی.»

چوم که خِدا اَ صِفَتِن که نییَب ویندِه، یعنی چَیی اَبَدی یَه قدرت و ذات الهی، دنیا خَلق بییِه صِفتَه نَه اَ چییونی دیلَه کا که وَج آبَیینه واضِح ویندَه بَبی. بَس اَوِن دِ هیچ بَهونه ای نیشونه.

چوم هَر چَن خِدا آزونِستِشونه، امّا اَیی خِدا شیوار حُرمَت اِحترام نِکَردِشونه و شُکر نِکَردِشونه، بَلکَم اِشتَن فیکری کا هیچ و پوچَه چیون گیرفتار بینَه و چَوون نَفَهمه دیلون تاریکی گِتِشه.

چوم که اَوِن اَ حَقیقتی که خِدا درباره یَه، دوروع نَه عوض آکَردِشونه و مخلوقی، خالقی عوض پرستش و خدمت کَردِشونه، خالقی که بَسی تا اَبَد اَیی پرستش کَردِه. آمین.

چوم خِدا غَضَب آسِمونی نَه بومَی هَرجورَه بی خِدایی و آدَمون ناراستی سَر که اِشتَن ناراستی نه حقیقتی از بیِن بَبَردین.

اِمی واسی خِدا نی اَوون، چَوون شَرم آورَه شَهوَتون کا وِل آکِردَشه. چوم چَوون ژِنَکِن، طبیعی یَه رابطه غِیرطبیعی یَه رابطه نَه عوض آکَردِشونه؛ و هِنتَه نی، مِردَکِن نی طبیعی یَه رابطه کا ژِنکَون نَه دَس پِگِتِشونه، و یَندی شَهوتی آتشی دیلَه کا سیستینه. مِرد مِردی نَه شَرم‌آورَه کارون کَردِشه، و اِشتَن بَدَه کارون مُکافاتی ویگِتِشونه. اوآنه که خِدا آزونِستِه چَوون را اِرزِشِشی نِبه، خِدا نی اَوون، چَوون فاسِدَه فیکرون نَه وِل آکَردِشه تا اِشتَن بَدَه کارون اَنجام بِدَن.

هَر چَن که اِدعا بَکَردین حَکیمی نه، امّا اَخمق بینَه، و اَوِن خِدای اَبَدی جَلالی، اَ بُتونی نَه عوض آکَردَشونه که اِنسان فانی و پرنده اون و حَیوونون و خَزنده اون مونِن.