Popular Bible Verses from دوّمین نامَه قرنتیانی کلیسا را 9

Share

و خِدا بَشای هَر نعمتی شِمَه را وِر آکَرِه تا همه چی کا همیشه شِمَه گِردِ اِحتیاجون قَدَر بِدارَه و هَر چاکَه کاری کا فَت و فراوون بِدارَه.

هَر کس هَ اَندازه ایی آدَه که اِشتَن دیلی کا نیّت کَردَشه، نِه بی میلی و زوری نَه، چوم خِدا، اَ کسی نَه که شادی نَه هدیه آدَه خِشَه.

چِمِن گف اِمَه: هَر کسی که کم بِکارِه، کم نی درو بَکَردی، و هَر کسی که وِر بِکارِه، وِر نی درو بَکَردی.

اَ کسی که دونه کشاورزی را و نونی هَردِه را آدَه، شِمَه دونه کِشت و کاری را آماده بَکَردی، بَرکت بَدای و شِمَه صالِحی محصولی فَت و فَراوون بِکَردی. شِمَه هَر چیی کا دولتمند بَبیرون تا بِشایَه هَر چیی کا دَس دیل باز بِبییَه، و شِمَه اِم دَس دیل باز بییِه چَمَه واسطه نَه خِدا شُکرکَردِه را ختم بَبی.

خِداوندی شُکر بَکَردیم اَ هدیه ای واسی که زَوونی نَه نییَب واتِه!