Popular Bible Verses from دوّمین نامَه قرنتیانی کلیسا را 1

Share

مُتِوارک بِبو خِدا، چَمَه خِداوند عیسایِ مسیح دَده، که رَحمتون دَده یَه و گِردِ تَسلیون دَده یَه؛ هَ خِدا که بَمون، چَمَه گِردِ مصیبتون دیلَه کا تَسلی بَدای، تا اَمَه نی بِشایَم کسونی که مُصیبَتون کااینه، اَ تَسلی نَه که اَیی کا ویگِتَمونه، تَسلی بِدییَم.

چوم هَتَه که مسیح عَذابون کا فَت و فَراوون سهم بَبَردیمون، هَتَه نی مسیح واسطه نَه تَسلی کا فَت و فَراوون سهم بَبَردیمون.

در واقع اَمَه را اِنتَه بَه که اِنگاری اَمَه مرگی را محکوم کَردِشونه. امّا اِمِن گِرد اِمی واسی اِتِفاق دَلَکینه تا نِه بِه اِشتَن، بَلکَم بِه خِدا توکل بِکَرَم، اَیی که مَردَه اون زِنده آکَرِه.

و خِدا یَه که اَمَه، شِمَه نَه مسیح کا پابَرجا بَکَردی، و اَ اَمَه مَسح کَردَشه، و اَ اِشتَن مُهری چَمَه سَری کا ژَندِشَه و اِشتَن روح، ایلَه بَیانه شیوار چَمَه دیلون کا نوعَشه.

اَگم اَمَه مصیبتی کا ایمونه، شِمَه تَسلی و نجاتی واسی یَه؛ و اَگم تَسلی دارَم، شِمَه تَسلی واسی یَه، و اِم اَ موقعی بِه کار بومَی که شِمَه هَ عَذابونی که اَمَه کَشَم، صبر و حوصله نَه تاو بواَرَه.