Popular Bible Verses from اوّل 6

Share

مَگم نیمَزنَه که شِمَه بَدن روح القدسی معبدَه که شِمَه دیلَه کایَه و اَیی خِدا کا ویگِتَرونه؟ شِمَه دِ شِمَه شِن نیرونه. چوم شِمَه خِرییِه بییِه را بها آدوعَه بَه، بَس شِمَه بَدنی دیلَه کا خِدا جلال بِدییَه.

مَگم نیمَزنَه که ظالِمَ آدَمِن خِدا پاُتشایی وارث نِبون؟ گول مَرَه! بی‌عفتِن، بُت‌پرستِن، زِناکارِن، لواط گَرِن، دِزدِن، طمع‌ کارِن، عَرقَ هَرِن، گَ خَراوِن و کلاهبَردارِن، خِدا پاُتشایی وارث نِبون.

بی‌عفتی کا دَوَزَه! آدَم هَر گناه دییَری که بِکَرِه بَدنی بِرونی کایَه، امّا کسی که بی‌عفتی بِکَرِه، اِشتَن بَدنی نَه گناه بَکَردی.

«هَمَه چی بَه مِرا رَوایَه،» امّا هَمَه چیی فایده نیشَه. «هَمَه چی بَه مِرا روایَه،» امّا نییَرزِم هیچی بَه مِن اَفجور بِبو.

و خِدا، خِداوندی مَردَه اون دیلَه کا زِنده آکَردِشه و اَمَه نی اِشتَن قوتی نَه زِنده آکَرِه.