Popular Bible Verses from اوّل 15

Share

بَس، چِمِن عَزیزَه بِرااِن، پابَرجا و بَرقرار بِبییَه، همیشه خِداوندی کاری وِرتَر و وِرتَر اَنجام بِدییَه، چوم که بَزنیرون خِداوندی کا شِمَه زحمت کَشِه اَلَکی نییَه.

امّا شُکر خِدا که چَمَه خِداوند عیسایِ مسیح واسطه نَه بَمون پیروزی آدوعَشَه.

گول مَرَه: «بَدَه همنشین، چاکه اَخلاقی فاسِد آکَرِه.»

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

«اِی مرگ، اِشتِه پیروزی کییارَه؟ و اِی مرگ، اِشتِه نیش کییارَه؟» مرگْی نیش گناهَ و گناه قوّت، شریعت.

گوش بِدییَه! ایلَه سِرّی شِمَه نَه بَواتیم: اَمَه گِرد نِمِرَم، بَلکَم گِرد تبدیل بَبیمون. ایی لحظه کا و ایلَه چِم بِه هَم ژَندِه کا، اَ موقع که آخِرین شیپور ژَندَه بِبو. چوم که شیپوری ژَنِن و مَردَه اِن بی اِمکه از بِین بِشون زِنده آبون و اَمَه تبدیل بَبیمون.

چوم هَتَه که مرگ ایلَه آدَمی واسطه نَه اومَه، مَردَه اون زِنده آبییِه نی ایلَه آدَمی واسطه نَه بومَی. چوم هَتَه که گِرد، آدَمی کا بَمَردین، مسیح کا نی گِرد زِنده آبون.

چوم اِم بَدنی که از بِین بَشی بَسی اَ بَدَنی که از بِین نِشو دَکَرِه و اِم فانی یَه بَدَن بَسی اَ بَدَنی که اَبَدی یَه دَکَرِه.

چوم اَ بَسی تا وختی که اِشتَن دِشمَنون گِردی اِشتَن پا جیری کا بِنه، سلطنت بِکَرِه. آخِرین دِشمَنی که بَسی از بِین بِشو، مرگَه.