Popular Bible Verses from مَتّایِ انجیل 7

Share

«بَخوائید، کی شمرأ فَدَه بِه؛ واموجید، کی یابیدی؛ بُکوبید، کی در شیمی رو وازا به.

چونکی هر کی بخوائه، بدَس اَوَره و هر کی واموجه، یابه و هر کی بُکوبه، در اونِ رو وازا بِه.

«پس هر کی می اَ گبانَ بیشتاوه و اوشانَ عمل بُکونه، هو عاقلِ مرداکیَ مانه کی خو خانه یَ سنگِ سر چاکود.

هو کردکارانیَ بُکونید کی خوائید مردوم شیمی مرا بُکونید. اَنِه، تمانِ تورات و پیغمبرانِ بینیویشته ئان.

ولی تَنگِ اُ در، و سخته اُ راه کی به زیندگی ختم بِه، و اوشانی کی اونَ یابیدی کم ئید.

«تَنگِ درِ جا بدرون بیشید، چونکی پت و پَنِ اُ دَر و سألِ اُ راه کی به مرگ ختم بِه و اوشانی کی اَ رائَ بدرون شیدی زیادید.

پس اَگه شُمان کی شرورید، دانیدی کی بایسی شیمی زاکانَ، خُرم چیان فَدید، چَندر ویشتر شیمی پئر کی آسمانِ درونِ، اوشانیَ کی اونِ جا بخوائید، خُرم چیان خوائه فدَن.

«قضاوت نُکونید تا شمرأ قضاوت نبه. هَطو کی دیگرانَ قضاوت کونیدی، شمرأم قضاوت بِه، و هو عیارِ مرا کی بکشید، شمرأ بکشه بِه.

ولی هر کی می اَ گبانَ بیشتاوَه و اوشانَ عمل نُکونه، هو نادانِ مرداکیَ مانه کی خو خانه پِیَ فورشِ سر چاکود.

چره اِسپیلَ تی برارِ چومِ درون دینی، ولی جه کُنده ئی کی تی چومِ درون دَری واخُب نیئی؟ چُطو تانی تی برارَ بیگی، ”برار، وائال اِسپیلَ تی چومِ جا بیرون باورم“، حالا اَنکی کُنده ئی تی چومِ درون دَری؟

« دوروغِ پیغمبرانِ جا دوری بُکونید. اوشان گوسفندانِ رختِ مرا شیمی ورجه اَئیدی، ولی باطنِ میان واشی گُرگانَ مانید. شُمان اوشانَ، اَشانِ بارِ جا خوائید ایشناختن. مگه انگورَ توموش جا، و انجیلَ هَرزِ واشِ جا چینیدی؟

جه اَ رو، هر خُبِ دار خُبِ بار دئه، ولی بَدِ دار بدِ بار.

خُبِ دار نَتانه بدِ بار باوره، و بدِ دار ئم نَتانه خُبِ بار فدِه.

هر داری کی خُبِ بار فاندَه، وَاوِه و آتش درون اِگاده بِه.