Popular Bible Verses from مَتّایِ انجیل 19

Share

عیسی اَشانَ چوم بُدوخت و بگفت: «اَن آدمی ره محاله ولی خُدا ره همه چی ممکنه.»

اَنِ واسی، بازین پس دِه دوتا نیئید بلکی ای تَن ایسید. پس اونچی کی خُدا جُفتَ کونه، آدمی نبایسی سیوا بُکونه.»

عیسی جواب بدَه: «مگه توراتِ درون نخواندیدی اونی کی اوشانَ خلق بُکوده جه اول اوشانَ مرد و زن بساخته، و بگفت ”جه اَ رو، مَرد خو پئر و مار جا سیوا به، و خو زنَ چسبه و اُ دوتا، ایتا تَن خوائید بوستن“؟

ولی عیسی بگفت: «وائالید کوجی زاکان می ورجه بائید و اَشانِ جُلُویَ نیگیرید، چونکی آسمانِ پادشائی اَجور کَسانِ شینه.»

ولی خَیلیان کی اول دَرید آخر بیدی، و اوشانی کی آخر ایسائید اوّل!»

و هر کی می نامِ واسی خانه یا برار یا خاخور یا پئر یا مار یا زای یا خو زمینَ وِلا کوده بی، صَد برابر فیگیره و ابدی زیندگیَ بدَس خوائه اَوردن.

عیسی اون بگفت: « اَگه خوائی کامل بیبی، بوشو و هرچی دَری بُفروش و اون پولَ نادارانَ فَدَن کی آسمان درون گنج خوائی داشتن. بازون بیا و مَرا دُمبال بُکون.»

عیسی جواب بدَه: «چره می جا واورسی کی چی خُبه؟ فقط ایتا ایسا کی خُبه. اَگه خوائی زیندگی درون بیشی، حُکمانَ بجا باور.»

بازم شمرأ گَم شترِ ردّا بوستن سوزنِ سولاغِ جا، سَألتره تا مالدار آدمِ بدرون شئون خُدا پادشائی درون.»

و من شمرأ گَم کی، هر کَس خو زنَ به هر دلیلی جغیر زینا طلاقَ دِه و ایتا دیگر زنِ مرا ازدواج بُکونه زینا بُکوده دَره.»

بازون عیسی خو شاگردانَ بگفت: «حئیقتن، شمرأ گَم، پولدارانِ شئون آسمان پادشائی درون، خَیلی سخته.