Popular Bible Verses from مَرقُس 9

Share

عیسا دئدی: «اگر باشاریرام؟ ایمانی اولان آدام ایچی واری زاد ممکن دیر.»

ائله او آن اوشاقینگ بووآسی اوجا سَس اینن دئدی: «ایمان واریم؛ منه کؤمَک ائد تا ایمان‌سیزلیگیمه گؤج اولام!»

عیسا ائوه گئدَنده، شاگردلَری اؤز آرالاریندا عیسادان خبر آلدیلار: «نه ایچی بیز او شَریر روحو چاخارتا بیلمه‌دیک؟» عیسا اوللارا دئدی: «بو رَقم روح فقط دُعا ائدمَک اینن چیخیر.»

دوز خوب دیر، آما اگر دوز اؤز شورلیگینی اَلدَن وئره، داها ایشدن گلمئیر و هئچ خورَکی‌یه داد وئرمَز. ایچینزده دوز وارینز اولسون و آراینزدا صُلح و صفا.»

«هَر کَس کی بیر بئله‌یین اوشاقی منیم آدیمدا قبول ائده، منی قبول ائدیر و هَر کَس کی منی قبول ائده، منی یوللایان گؤیده‌کی بووآیی قبول ائدیر.»

گرچَکدن سیزه دئییرم، هَر کَس بو سَبریه کی سیز وَعده وئریلَن مَسیحه تَعلّق وارینز، سیزه بیر پایلا سو دا وئره تا ایچینز، اصلاً اَجرسیز قالماز.

«هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریایا آتیلا.

اگر گؤزونگ سَنی گُناها آتیر، اؤنو چاخارت. سَنینگ ایچی یئی‌تَر دیر کی بیر گؤز اینن تارئ پادشاهلیگینا گیرَینگ تا بو کی ایکّی گؤز اینن جَهنّمه آتولانگ.