Popular Bible Verses from مَتّی 18

Share

چونکی هَر یئرده کی ایکّی یا اؤچ نفر منیم آدیمدا ییغیلَلَّر، من اؤردا اوللارینگ آراسیندایام.»

بونو ده سیزه دئییرم کی، اگر سیزدن ایکّی آدام، یئر اوستونده سئدیگیلَری زاد اوستونه، بئلینه موافق اولالّار، منیم گؤیده‌کی بووآم طَریقیندَن اوللار ایچی اولونار.

عیسا بیر اوشاقی اؤز یانینا چاغیردی و اؤنو اورتایا گتیردی و دئدی: «گرچَکینی سیزه دئییرم کی، تا ده‌ییشیلمه‌یَینز و اوشاق‌لار له‌یین اولمایاینز، هئچ زامان گؤی پادشاه‌لیگینا گیرمَینز.

هَر کَس اؤزونو بو اوشاق له‌یین گؤنگول آلچاق ائده، گؤی پادشاه‌لیگیندا ائنگ بویوک آدام اولور.

هَر کَس کی بیر بئله اوشاقی منیم آدیمدا قبول ائده، منی قبول ائدیر،

گرچَکینی سیزه دئییرم، هَرنه‌یی کی یئر اوستونده باغلایاینز، گؤیده ده باغلانار و هَرنه‌یی کی یئر اوستونده آچاینز، گؤیده ده آچیلار.

ائله بئله ده منیم گؤیده‌کی بووآم، سیزینگ هَر بیرینز اینَن بئله رووآل ائده‌ر، اگر سیز ده اؤز کاکاینزی اؤره‌کدَن باغیشلامایاینز.»

آما هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریانینگ عمیق‌لیگینه آتیلا و بوغولا.

سیز نه فکر ائدیرَینز؟ اگر بیر کیشی‌نینگ یوز دانا قویونو اولا و اوللارینگ بیرسی یولدان چیخه، بئیه بو کیشی او دوقسان دوقوز دانا قالان قویونو داغدا ویل ائدمَز تا گئده او یولدان چیخَن قویونونگ قولونجونا گزه؟