Popular Bible Verses from لوقا 8

Share

آما خوب تورپاقا دؤشَن دانلار، او آداملار دیرلار کی تارئ کلامینی ائشیدیرلَر و بیر دؤز و خوب اؤره‌ک اینَن اؤنو سفت ساخلاتیرلار و صَبر اینن ثَمر ائدیرلَر.

تیکان‌لار ایچینه تؤکولَن دانلار، او آداملار دیرلار کی تارئ کلامینی ائشیدیرلَر آما زامان گَچَنده، نگران‌لیگ، دنیا مالی و زندلیگینگ خوش‌لیگ‌لاری، تارئ کلامینی اوللار ایچینده خَفه‌له‌ییر و ثَمر ائدمئیر.

کوتورلو یئره تؤکولَن دانلار، او آداملار دیرلار کی تارئ کلامینی ائشیدَنده، شادلیگ اینَن قبول ائدیرلَر آما کلام اوللاردا ریشه ائدمئیر. بیر آز مُدّت ایمان وارلاری، آما امتحان اولماگ وختی ائتیشَنده، ایماندان دؤشیرلَر.

اوندا عیسا اوللارا دئدی: «ایمانینز هاردا دیر؟» اوللار تَعجّب و قورخو اینان بیر بیره دئییرلَردی: «بو کیشی کیم دیر کی حتّی یئله و سویا دا فرمان وئریر و اوللار دا فرمان آپاریرلار؟»

یول اوستونه تؤکولَن دانلار، او آداملار دیرلار کی، تارئ کلامینی ائشیدیرلَر آما اِبلیس گلیر و کلامی اؤره‌کلَریندَن قاپیر تا ائدمئیه ایمان گتیرَلَّر و نجات توتالّار.

چونکی هئچ پنهان اولونموش زاد یوخدور کی آشکار اولمایا و هئچ باستیریلمیش زاد یوخدور کی آله‌یین اولمایا.

اوندا کی او آرواد بیلدی کی بئلَسینی تانیمیشلار، تیتریه-تیتریه ایلَری گلدی، عیسا قیچینه دؤشدو و واری خَلخینگ حُضوروندا دئدی کی نه ایچی عیسایا اَل ووردو و نه‌یین فوری شفا توتدو. عیسا اؤنا دئدی: «قیز، ایمانینگ سَنی شفا وئرمیش، سلامت گئد.»

شاگردلَر عیسا یانینا گئتدیلَر، اؤنو اویاردیلار و دئدیلَر: «اُستاد، اُستاد، آز قالمیش آرادان گئدَک.» عیسا اویاندی و طیفان و موجلارینگ تلاطمینا تَشَر ووردو. طیفان یاتدی و آراملوق دؤشدو.