Popular Bible Verses from لوقا 17

Share

اوندان سورا او کیشی‌یه دئدی: «تور آیاقی و گئد. ایمانینگ سَنی خوب ائدمیش.»

حتّی اگر گؤنده یئتدی دفعه سنینگ حَقینگده گُناه ائدسه و یئتدی دفعه ده سنه ساری دؤنسه و دئسه: ”توبه ائدیرَم،“ سن اؤنو باغیشلایاسینگ.»

اوندان سورا اوللارینگ بیرسی، اوندا کی گؤردو کی شفا توتموش، اوجا سَس اینَن تارئ‌یی حمد و ثنا ائده-ائده گئری بؤکولدو و ایز اوستونه، عیسانینگ قیچینه دؤشدو و اوندان تَشکّر ائدی. او کیشی بیر سامِره‌لیدی.

اؤزونزو گؤزله‌یینز! اگر کاکانگ سنینگ حَقینگده گُناه ائدسه، اؤنو هَیله، اگر دا کی توبه ائدسه، اؤنو باغیشلا.

عیسا بونو گؤرَنده دئدی: «بئیه شفا توتان جُذاملی‌لار اون نفر ده‌ییللَردی؟ پس او دوقوز نفر داها هاردا دیرلار؟

رَب عیسا دئدی: «اگر کی بیر خَردل دانی‌چاز ایمانینز اولسایدی، بو توت آغاجینا دئیه‌بیلَردینز: ”ریشه‌دَن چیخ و دریا ایچینده اَکیل،“ و او دا سیزدن فرمان آپاراردی.

هَر کَس کی اؤز جانینی ساخلاماک قولونجوندا اولا، اؤنو اَلدن وئره‌ر آما هَر کَس کی اؤز جانیندان گچه، اؤنو ساخلایار.

عیسا اؤز شاگردلَرینه دئدی: «وَسوَسه‌لَرینگ گلمَکی حَتمی دیر، آما وای او آدام حالینا کی وَسوَسه‌لَر اؤنونگ طَریقیندن گله. او کی بو ساده آداملارینگ بیرسینی گُناها آتا، اؤنونگ ایچی یئی‌تَر دیر کی بیر دییرمان داشی بوینونا آسیلا و دریا ایچینه آتیلا.

نوح زامانیندا نه‌یین ایدی، انسان اوغلونونگ زامانیندا دا ائله اوله‌یین اولور. او گؤنَنچاز کی نوح کشتی‌یه میندی، آداملار یئییرلَردی و ایچیرلَردی، آرواد آلیرلاردی و اَره گئدیرلَردی. اوندا سیل گلدی و اوللارینگ واریسینی نابود ائدی.