Popular Bible Verses from یوحنا 6

Share

عیسا بئللرینه دئدی: «او چؤره‌ک کی زندلیگ وئریر منم؛ هَر کَس منیم یانیما گله آج اولماز، و هَر کَس منه ایمان گتیره هئچ‌وخت سویوز اولماز.

تارئ روحو دور کی زندلیگ وئریر؛ جسم زندلیگ وئره بیلمئیر. بو سؤزلَر کی من سیزه دئدیم، تارئ روحو طَریقیندَن سیزه زندلیگ وئریر.

فانی خورَکی ایچی ایش گؤرمه‌ینز، بلکی او خورَکی ایچی ایش گؤرونز کی قالیر و سیزه اَبَدی زندلیگ وئریر، ائله او خورَکی کی انسان اوغلو سیزه وئره‌ر. بو سَبریه کی بووآ تارئ، انسان اوغلونو تأیید ائدیر.»

منیم گؤیده‌کی بووآمینگ سئدیگی بو دور کی، هَر کَس کی گؤزو اوغولدا اولا و اوغولا ایمان گتیره، اَبَدی زندلیگ واری اولا و من قیامت گؤنونده اؤنو دئرّیده‌رَم.»

عیسا اوللار جواب وئردی: «او ایش کی تارئ سیزدن سئیر گؤرَینز بو دور کی، اؤنا کی یوللامیش، یعنی منه ایمان گتیرَینز.»

واری او آداملار کی گؤیده‌کی بووآم مَنه وئریر، منیم یانیما گلَرلَر، و منیم یانیما گلَن آداملاری، من هئچ‌وخت رَد ائدمَم.

شَمعون پِطرُس اؤنا جواب وئردی: «آقا، بیز کیمینگ یانینا گئدَک؟ اَبَدی زندلیگینگ سؤزلَری سَنینگ یانینگدا دیر.

مَن او چؤره‌کَم کی زندلیگ وئریر، ائله او کی گؤیدَن آشاغی گلدی. هَر کَس بو چؤره‌کدن یئسه، اَبَدنچاز زندلیگ ائده‌ر. او چؤره‌ک کی من وئریرَم تا دنیانینگ آداملاری زندلیگ وارلاری اولا، منیم بَدنیم دیر.»

هئچ‌کَس منیم یانیما گله بیلمَز به‌غیری بو کی منی یوللایان گؤیده‌کی بووآ، اؤنو منه ساری گتیره و من قیامت گؤنونده او آدامی دئرّیده‌رَم.

تارئ وئردیگی چؤره‌ک او دور کی گؤیدَن آشاغی گلیر و دنیایا زندلیگ وئریر.»

او چؤره‌ک کی زندلیگ وئریر منم.

اوندا عیسا چؤره‌ک‌لَری گؤتوردو و شُکر ائدمکدن سورا، اوتورانلار آراسیندا بَهر ائدی، و ائله بئله ده بالیق‌لاری. هَر کَس ده هر ناغاد کی سئدی، بئلَسینه وئریلدی. اوندا کی جمعیت یئدیلَر و دویدولار، عیسا اؤز شاگردلَرینه دئدی: «اضافه قالان خوردا تیکه‌لَری ییغینز تا هئچ‌نه حراما چیخمه‌یه.»

تقریبا بیر آغاج یول‌چاز پارو وورموشلاردی کی عیسایی گؤردولَر کی دریاچه اوستونده یول گئدیر و قایقا یاخین‌لَشیر، اوللارینگ جانینا قورخو دؤشدو، آما عیسا بئللرینه دئدی: «قورخماینز، منم.»