Popular Bible Verses from یوحنا 11

Share

عیسا مارتایا دئدی: «منم کی اؤلولَری دئرّیدیرَم و زندلیگ سَرچشمه‌سی‌یَم. او کی مَنه ایمان گتیره، حتّی اؤلسه ده، دئرّیلَر، و هَر کَس کی منه ایمانی اولدوگو سَبرسینه دئرّی‌لیگ واری، هئچ‌وخت اؤلمَز؛ آیا بونا ایمان وارینگ؟»

عیسا مارتایا دئدی: «بئیه سَنه دئمه‌دیم کی اگر ایمان گتیرَینگ، تارئ شوکتینی گؤرَرَینگ؟»

عیسا آغلادی.

آما عیسا بونو ائشیدَنده دئدی: «بو مَریض‌لیگینگ آخیری اؤلوم ده‌ییل، بلکی بونونگ ایچی دیر کی تارئ شوکتی آشکار اولا تا بئله، بو مَریضلیگ طَریقیندَن، تارئ اوغلونونگ شوکتی ده آشکار اولا.»

عیسا بو سؤزلَری دئیَندن سورا، اوجا سَس اینَن چاغیردی: «ایلعازَر، گَل یازّیا.» او آدام کی اؤلموشدو، قیچ و قولی خَلعَتده و یاقلوق ایزینه ساریلی، گلدی یازّیا. عیسا اوللارا دئدی: «اؤنو آچینز و قؤینز گئده.»

گئنه عیسانینگ روحونو غَم باسدی و گلدی مَقبره یانینا. مَقبره بیر شکاف ایدی کی آغیزی دَمینه بیر داش ایته‌لنمیشدی.

عیسا بو سؤزلَری دئیَندن سورا، شاگردلره دئدی: «یولداشیمیز ایلعازَر یاتمیش، آما من گئدیرَم تا بئلَسینی اویاردام.»