Popular Bible Verses from بیرینجی نامه‌ تیموتائوسا 6

Share

ایمانینگ خوب جَنگینی ایلری آپار. اَبدی زندلیگه یاپیش کی اؤنا چاغیریلدینگ و چوخ شاهِد‌لَر حُضوروندا او خوب اِقراری ائتدینگ.

چونکی پیلی چوخ سئمَک واری رَقم پیس‌لیگینگ ریشه‌سی دیر. ائله بو پیل حِرصی سبرسینه دیر کی بیر پارا آدام ایمان یولوندان چیخمیش‌لَر و اؤزلَرینی چوخ دَردلَره گرفتار ائدمیشلر.

آما دیندارلیگ قناعت اینن، بیر بویوک مَنفعت دیر،

چونکی بیز بو دنیا ایچینه هئچنه گتیرمه‌دیک و هئچنه ده دنیادان آپارا بیلمئیرَک.

بو ایندیکی زامانانینگ وارلی‌لارینا حکم ائد کی نه تَکبّرلی اولالار، نه ده امیدلَرینی باغلایالّار دنیانینگ مالینا کی قالمالی ده‌ییل. بلکی امیدلَرینی باغلایالّار تارئ‌یا، ائله او تارئ کی فروآن‌لیگ اینن بئلَمیز ایچی واری زاد آماده ائدیر تا بیز کیف ائدَک.

آما اوللار کی وارلی اولماک آرزیسی وارلاری دؤشیرلار وَسوسه‌یه، دؤشیرلار تَله‌‌یه، دؤشیرلار چوخ آرزی‌لارا کی ویل و ضَررلی دیرلر کی خَلخی غَرقی هلاک اولماک و نابود اولماک ائدیرلر.

اوللارا اَمر ائد تا خوبلیگ ائدلَّر و خوب ایش‌لَرده وارلی اولالار، تا سخاوتلی اولالار و بَهر ائدمَک ایچی آماده اولالار، بئله‌یین اوللار اؤزلَرینه بیر گنج آمبار ائدیرلَر کی ایندی‌دَن بئله گلن زامان ایچی بیر خوب بَنا بُنیاد اولور، تا بئله یاپیشالّار او زندلیگه کی حَقیقی زندلیگ دیر.