Popular Bible Verses from اِنجیلِ لوقا 6

Share

هادین تا شِما ره هِدا بَووه. یِتا دَئیل پِر هاکارده، فِشار هِدائه، تِکون هِدائه و سَرمَشت بَییه شِمه دومِنِ دِله دَشِندی بونه! چوون هر دَئیلِ هِمراه هادین، هَمون دَئیل هِمراه شِما ره هِدا بونه.»

خارِ مَردی شه دلِ، خوارِ اِمباریِ جِم، خواری بار یارنه، و بَدِ مَردی شه دِلِ، بَدِ اِمباریِ جِم بَدی بار یارنه. چوون زِوون اونچی که دلِ دِله سَر مَشتِ جِم، گَب زَنده.

ولی شِما، شه دِشمِنونِ مِحَبَّت هاکانین و وِشونِ خاری هاکانین، و بدونِ اینکه پَس بَییتِنِ فکر دَووین، وِشونِ قَرض هادین، چوون شِمه پاداش، گَتِ و خِدائه متِعالِ ریکائون بونِنی، چوون وه ناشکرون و بدکارونِ هِمراه مِهرَوونِ.

پَس رحیم بوئین، هَمون طی که شِمه آسِمونی پییِر رَحیمِ.

«داوِری نَکنین تا شِما ره داوِری نَووه. مَحکوم نَکِنین تا مَحکوم نَووین. بِبَخشین تا بَخشیده بَووین.

« ای شِما که مِ گَبِ اِشنُنِنی، شِما ره گامبه: شه دِشمِنونِ مِحَبَّت هاکانین و اونایی که شِمه جِم بیزارِنه ره خواری هاکانین. هر کی شِما ره نَفرین کانده وِشونِ وِسه دعائه بَرکَت هاکانین، و هر کی شِما ره آزار دِنه وه وِسه دِعائه خیر هاکانین.

مَردِمِ هِمراه هَمون‌ طی رِفتار هاکانین که اِنتظار دارنِنی شِمه هِمراه رِفتار هاکانِن.

اگه کِسی تِ دیمِ یِتا وَرِ چَک بَزو، شه دیمِ اون وَرِم بَردِگاردِن تا بَزِنه. اگه کِسی تِ قَوا ره تِ جِم خواسه بَیره، بییِل تِ جِمه ره هم بَوِره. اگه کِسی یه چی تِ جِم خوانه وه ره هاده، و اگه تِ اموالِ به زور بَییته، نَخواه تِ ره پَس هاده.

«هیچ وَخت خوارِ دار، بَدِ میوه ‌بار نیارنه و هیچ وَخت بَدِ دار، خوارِ میوه نَدِنه.

هر داری ره وه میوهِ جِم بِونه بِشناسیِن. نَبونه لم طلیِ جِم انجیل بَچیئِن، و تَمشکِ بوته جِم انگور!