Popular Bible Verses from یَعقوبِ نامه 2

Share

پَس ایمون هم به تیناری، اگه اَعمالِ هِمراه نَبوئه، بَمِرده.

هَمون طی که تَن روحِ جِم سیوا بَمِرده، ایمون هم اَعمالِ جِم سیوا بَمرده.

مِ بِرارون، چه فایده دارنه اگه یه نَفِر ادّعا هاکانه ایمون دارنه، ولی اعمال نِداره؟ این طی ایمونی تونده وه ره نِجات هاده؟

تِ باوِر دارنی که خِدا یِتائه. خوب کاندی! حَتَّی دِوها هم این‌طی باوِر دارنِنه و تَرسِ جِم لَرزِنِنه!

ولی یه نَفِر ممکنه باره: «تِ ایمون دارنی و مِنِم اَعمال دارمه!» تِ شه ایمونِ اَعمالِ جِم سیوا مِ ره سِراغ هاده و مِنِم شه ایمونِ شه اَعمالِ هِمراه تِ ره سِراغ دِمبه.

چوون داوِری، نسبت به اونی که رحم نَکارده بوئه، بی‌رَحم بونه. ولی رَحم، داوِری ره پیروز بونه!

ویندِنی اَعمالِ هِمرائه که آدِمی صالح بِشمارِسه بونه، نا فِقَط ایمونِ هِمراه.

ویندی که وه ایمون و اَعمال باهم عَمِل کاردِنه، و وه ایمون، وه اَعمالِ هِمراه کامل بَییه.