Popular Bible Verses from نامه، مسیحیونِ عبرانی نِژادِ وِسه 11

Share

اِسا ایمون، اون چیائه سَر اِطمینان هاکاردِنِ که اونا ره امید دارمی و اون چیائه جِم خاطِر جَمع بوئِنِ که چِشِ هِمراه نَوونه بَدیئِن. چوون ایمونِ خاطِری بییه که قدیمی مَردِمِ خَوِری، خواریِ هِمراه تَعریف تمجید هاکاردِنه.

و بدون ایمون نَبونه خِدا ره راضی هاکاردِن، چوون هر کی خِدا ره نزیک بونه، وِنه ایمون داره که وه دَره و اونایی که وه دِمبال گِردِنِنه، پاداش گِرنِنه.

اِما ایمونِ هِمراه فَهمِمبی که جهان خِدائه کِلامِ هِمراه خَلق بَییه، جوری که اون چیا که بَدی بونه، اون چیا که بَدی نَوونهِ جِم به وجود بییَمو.

ایمونِ هِمراه بییه که اِبراهیم اون مووقه که دَعوِت بَییه، اِطاعت هاکارده و راهی بَییه اون جایی بورده که بعد وه اِرث بونِسه؛ و بدون اینکه بَدونه کِجه شونه، راهی بَییه. ایمونِ هِمراه بییه که وه بورده تا وعدهِ سرزمینِ دِله زندگی هاکانه، و یِتا غریبه واری اِسحاق و یَعقوبِ هِمراه که وه هِمراه این وعدهِ دِله هم اِرث بینه، خیمه هائه دِله زندگی هاکارده.

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

ایمونِ هِمراه بییه که خَنوخ بالا بَوِرده بَییه تا مَرگِ نَوینه و وه پی دا نَییه، چوون خِدا وه ره بَوِرده. چوون قبل از اون که بالا بَوِرده بَووه، وه خَوِری گواهی هِدا بَییه که خِدا وه جِم راضیِ.

ایمونِ هِمراه بییه که هابیل، قِروونی ای پیشکش هاکارده که قائِنِ قروونیِ جِم ویشتر قبول بَییه که این وِسه وه خَوِری گِواهی هِدا. که وه صالحِ. خِدا وه هَدیه هائه قبول هاکاردِنِ هِمراه وه خَوِری شهادت هِدا. و هر چَن وه بَمِرده، ایمونِ خاطری هَمتی گَب زَنده.

ایمونِ هِمراه بییه که سارا قِوَّت بَییته که حامله بَووه با اینکه سنی وه جِم بُگذِشته بییه؛ چوون وه دونِسه کِسی که وعده‌ هِدا وِفادارِ.

چوون اون شَهرِ چِش به راه بییه، که پِی ها دارنه که وه معمار و بنّا خِدائه.

ایمونِ هِمراه بییه که وَختی که موسی گَت بَییه، نِخواسه فِرعونِ کیجائه ریکا بااوته بَووه. وه حاضر بَییه که خِدائه قومِ هِمراه ذلیل بَووه، تا اینکه یه مدّت گِناهِ خِشی هائه جِم کیف هاکانه. و اون سرکوفت که مَسیحِ خاطِری بییه ره یِتا گنج، مصرِ گنجهائه جِم گتتِر بِشمارِسه، چوون وه اون پاداشِ دِمبال دَییه. ایمونِ هِمراه بییه که موسی مصرِ جِم بیرون بییَمو و پادشاهِ غیظِ جِم نَتِرسیه، وه طاقت بیارده چوون اونی که نَوونه بَدیئنِ، ویندِسه

ایمونِ هِمراه بییه که اِبراهیم اون مووقه که آزمود بَییه، اِسحاقِ پیشکَش هاکارده؛ و وه که وعده‌ها ره بَییته بییه قبول هاکارده که شه یِتا ریکا ره قِروونی هاکانه،

ایمونِ هِمراه بییه که فاحشه راحاب اونایی هِمراه که نافرمان بینه بَکوشته نَییه، چوون وه جاسوسونِ گرمیِ هِمراه قبول هاکارده.

ایمونِ هِمراه بییه که اِسرائیلِ قوم سِرخِ دریائه میون، یِتا خِشکِ زِمینِ واری رَد بَینه؛ ولی وَختی مِصریون تَقِلّا هاکاردِنه که هَمون کارِ هاکانِن، اوه دِله غرق بَینه.

ایمونِ هِمراه بییه که اَریحائه شَهرِ دیفارا بعد از اینکه اِسرائیلِ قوم هَفت روز اونائه دور بَگِردِسِنه، له بورده.

ایمونِ هِمراه بییه که موسی پِسَخ و خون دَپاشییَنِ به‌جا بیارده تا اون فرشته که اَوِّلین وَچونِ هِلاک کارده، اِسرائیلِ اَوِّلین وَچونِ سَر دَس نییِله.

ایمونِ هِمراه بییه که یوسِف اون مووقه که داشته مِرده، بنی‌اِسرائیلِ بوردَنِ جِم، مصرِ جِم خَوِر هِدا و شه اِستِکاهائه خَوِری وصیت هاکارده.

ایمونِ هِمراه بییه که یَعقوب اون مووقه که دَییه مِرده، یوسِفِ هر کِدوم از ریکائونِ بَرکَت هِدا و هَمون طی که شه عَصا ره تکیه هِدا بییه، سِجده هاکارده و پَرَسِش هاکارده.

ایمونِ هِمراه بییه که اِسحاق، یَعقوب و عیسو ره آیندهِ چیائه جِم بَرکَت هِدا.