Popular Bible Verses from رومی ایشون 14

Share

چون خِدایی پادشاهی بَخاردَن و بَنوشیَن نیِه، بَلگی صالحی، صِلح و سلامتی، و خِشالی روح القُدُسی دِلِئِه. هر کی هَینجوری مَسیحِ خِدمَت هاکِنِه، خِدا وِرِه قَبول دارنِه و مَردِن هَم وِرِه تأیید کِنِنِه.

چون اگه زندگی کِمّی، خِداوندی سِه زندگی کِمّی، و اگه میرمی، اونَم خِداوندی سِه میرمی. پَس چی زندگی هاکِنیم، چی بَمیریم، خِداوندی سِه هَسمی.

پَس بیئین اونچی گه صِلح و صفا و هَمدِیَری ایمونی تقویتی باعث وونِه رِه، دِمال هاکِنیم.

پس، بیئیِن بعد از هین هَمدِیَرِ قضاوت نَکِنیم. بلگی تَصمیم بَیرین گه هیچ سَنگِ لَغزِش یا مانعی شی بِراری راهی سَر نِلین.

چون اِشعیای پِیغمبری کیتابی دِلِه بَنوِشت بَوِه: «خِداوَند گِنِه: شی زندگی رِه قَسَم گه هر زِنی ای می پِش خَم وونِه و هر زِوونی خِدارِه اِقرار کِنِّه.» هر کِدیم از اَما شی حِسابِ خِدارِه پَس دِنِه.

اونیگه وی ایمون ضعیفِ رِه، شی میِن راه هادین، ولی نا هَینگه وی عقایدی سَر وی هَمرا جر و بحث هاکِنین.

تو کیئی گه یَنَفَر دییَری نوکَرِ قضاوت کِنّی؟ چی، وی شی ایمونی سَر بَمونِّه یا دیم بَخارِه وی اربابِ ربط دارنِه. و وی هَم شی لینگی سَر مُونِّه، و خِداوَند بَتِنِّه وِرِه سَرپا دارِه.