Popular Bible Verses from یوحنایی مکاشفه 7

Share

اَزما گه بَئیمِه و هارِش، یَتِه گَتِه جَماعَت گه هیچکس نتِنِّسِه هونِه بِشمارِ، هر مِلَّت و هر طایفه و هر قوم و هر زِوونی جا، هَمه هون تَخت و وَرکایی پِش اِسّاوِنِه. اِسبی قَوا شی تَن و نَخلی شاخه ایشونِه شی دَس داشتِنِه.

وِشون بِلَنِ صدایی هَمرا خونِسِنِه: «نِجات اَمِه خِدائیِه، گه تَختی سَر نیشتِه؛ و وَرکائیِه.»

چون هون وَرکایی گه تَختی میِن اِسّا، وِشونی چَپون وونِه، و وِشونِه زِندگی ای اُوئی چِشمِه ایشونی سِه رانِمایی کِنِّه. و خِدا هر اَسری رِه وِشونی چِشی جا پاک کِنِّه.»

هَینسِئه گه: «هَینِن خِدایی تَختی پِش دَرِنِه و شُو و روز وی معبدی دِلِه وِرِه خِدمَت کِنِنِه؛ و هون تخت نشین، شی حِضوری هَمرا وِشونِه سَرپَنا دِنِه. وِشون دِ وَشنی نَوونِنِه، و دِ تَشنی نَوونِنِه، نا آفتاب وِشونی سَر تابِنِه، و نا هیچ گرمایی گه بَسوجانِّه.

«تا هون موقِه گه اَما شی خِدایی نوکَرِنی سالی سَرِ مِهر نَزومی، زمین یا دریا یا داریشونِ صدمِه نَزِنین.» و بِشنُسِمِه مِهر بَوِه ایشونی تعداد صد و چِل و چار هزار نَفَر دِشتِه بنی اسرائیلی قومی طایفه ایشونی جا وِه.