Popular Bible Verses from فیلیپیان 4

Share

هیچی ای سِه دِلواپَس نَووئین، بَلگی هر چی ای دِلِه دِعا و خواهش تمنا و شِکر هاکِردنی هَمرا، شی خواسِّه هارِه خِدارِه بُئین.

خِدای صِلح و سلامتی گه هر فهمی جا بالاترِ، شِمِه دِلیشون و فِکریشونِه مَسیحْ عیسایی دِلِه مِحافظت کِنِّه.

سَرآخَر، اِی بِرارِن، هر اونچی گه راسِ، هر اونچی گه حِرمت دارنِه، هر اونچی گه دِرسِ، هر اونچی گه پاکِ، هر اونچی گه دوس داشتنی و هر اونچی گه قابلِ پَرَسشِ، اگه عالیِه، اگه پَرَسِش هاکردنی اِرزِشِ دارنِه، هَینِنی خَوَری فِکر هاکِنین.

اونی طریقی جا گه مِنِه قوِّت دِنِه، هر کاری رِه بَتِمّه هاکِنِم.

هَمِش خِداوندی دِلِه خِشال ووئین؛ اَی هَم گِمِه: خِشال ووئین.

و می خِدا، دِشتِه شِمِه اِحتیاجاتِ، طبقِ شی پِر جلالِ دولت، مَسیحْ عیسایی دِلِه برطرف کِنِّه.

اونچی گه میجا یاد بَیتِنی و بِدس بیاردنی، میجا بِشنُسِنی و می دِلِه بَئینی رِه، هَینِنِه بِجا بیارین، گه خِدای صِلح و سلامتی شِمِه هَمرا دَرِه.

بِلین هَمه بَوینِن شِما بامِلاحظه آدمِنی، خِداوَند نَزیکِ.

مِن هَم دِمِّه محتاج بَووئن چِتیِه، و دِمِّه هَم فِراوونِ نعمتی دِلِه زندگی هاکِردن چتیِه. هر وَضع و حالی دِلِه، زندگی ای راز، سِئری و وَشنایی، احتیاج و محتاج ووئَنِ یاد بَیتِمِه.

هَینِه، احتیاجی سَر نُمِه، چون یاد بَیتِمِه گه هر وضعی دِلِه قانِع ووئِم.