Popular Bible Verses from فیلیپیان 2

Share

هیچ کاری رِه خِدخواهی و چِش و هَم چِشی ای سَر نَکِنین، بَلگی فروتنی ای هَمرا بَقیِه رِه شیجا بِهتَر دِنّین. هیچکِدیم از شِما فقط شی منفعتی فِکر دَنیوو، بَلگی بَقیِه ای فکر هَم دَوو.

هَمون فِکرا گه مَسیحْ عیسی داشتِه رِه دارین

ویگه هر چَن خِدایی هَمرا همشِکل وِه، خِدایی هَمرا بَرابر ووئَنِ، دِ دَسی نَچِسبِسِه، بَلگی شِرِه خالی هاکِردِه و شِه نوکری شِکلِ بَیتِه آدَمِنی تَرا بَوِه. و چون آدَمِنی شکلی تَرا بَوِه شِرِه فروتَن هاکِردِه و تا بَمِردَنی سِه، حتّی صَلیبی سَر بَمِردنی سِه مِطیع بَوِه.

چون خِدائه گه شِمِه دِلِه شی راضی ووئنی سِه کار کِنِّه، هَم اِراده ای دِلِه، هَم عملی دِلِه

پَس خِدا خِیلی وِرِه لُو بَوِردِه و یَتِه اِسم دِشتِه اِسمهایی جا بالاتر وِرِه هادا، تا عیسایی اِسمی هَمرا هر زِنی ای خَم بَوو، آسِمونی دِلِه، زَمینی سَر و زَمینی بِن، و هر زِوونی اِقرار هاکِنِه گه عیسی مسیحْ ’خِداوَندِ‘، خِدای پیری جَلالی سِه.

هر کاری رِه بدون غِرغِر و جَر و بَحث اَنجام هادین، تا بی عیب و سادِه دِل، و خِدایی بی عیبِ وَچیلِه ووئین، خطاکار و گِمراهِ نَسلی دِلِه گه شِمِه نور وِشونی میِن هِتی سِتارِه ایشونی تَرا هَین دِنیایی دِلِه تابِنِه،

پَس اِی عَزیزِن، هَمونجور گه هَمِش مِطیع وِنی، اَلَن نا فقط می پِش، بَلگی خِیلی ویشتَر، وختی مِن دَنیمِه، شی نِجاتی سِه وِنِه ترس و لَرزی هَمرا عمل هاکِنین؛