Popular Bible Verses from مَرقُس 9

Share

عیسی بُتِه: «اگه بَتِنّی؟ اونیسِه گه ایمون دارنِه هَمه چی ممکِنِه.»

هون ریکائی پیر دَرجا بِلَنِ اَوازی هَمرا بُتِه: «ایمون دارمِه؛ مِنِه کِمَک هاکِن تا شی بی ایمونی ای حریف بَووم!»

وختی عیسی خِنِه بوردِه، وی شاگِردِن خَلوَتی دِلِه ویجا بَپُرسینِه: «چه اَما نَتِنِّسِمی هون پَلیدِ روحِ دیرگا هاکِنیم؟» عیسی وِشونِه بُتِه: «هَینجور روح بجز دِعا هیچی ای هَمرا دیرگا نَشونِه.»

نِمَک خِبِ، ولی اگه نِمَک شی شوری رِه از دَس هادِه، چِتی بِشِنِه اَی اونِه شور هاکِردِن؟ شِما هَم شی دِلِه نِمَک دارین و هَمدیری هَمرا صِلح و صفایی دِلِه زندگی هاکِنین.

«هر‌ کی هَینجور وَچِه رِه می اِسمی خاطری قَبول هاکِنِه، مِنِه قَبول هاکِردِه؛ و هر کی مِنِه قَبول هاکِنِه، نا مِنِه، بَلگی اونیگه مِنِه بَرِسانی رِه قَبول هاکِردِه.»

حَیقَتاً شِمارِ گِمِه، هر کی هَینِسه گه شِما مسیحی سِه هَسّنی حتّی یَتِه کَچِه اُو شِمارِ هادِه، به هیچ وَجه شی اَجرِ از دَس نَدِنِه.

«هر کی باعِث بَوو یَتِه اَزین کِچیکِن گه مِنِه ایمون دارنِه گِناه دَکِفِه، وِنِه بهتَر وِه یَتِه گَتِه آسیو سَنگ وی گِردَن وَسِّنِه و وِرِه دَریایی دِلِه دیم داوِنِه!

اگه تی چِش تِرِه گِناه کَشانِّه، اونِه دَر بیار، تیسِه بِهتَرِ گه یَتِه چِشی هَمرا خِدایی پادشاهی ای دِلِه بوری، تا هَینگه هر دِتا چِشی هَمرا جَهِنِمی دِلِه دیم بَدا بَووئی،