Popular Bible Verses from مَرقُس 6

Share

عیسی وِشونِه بُتِه: «می هَمرا یَتِه خلوتِ جا بیئِین و اَقَدّی دَم بَخارین.» چون اَنّی مَردِن ایمونِه و شیوِنِه گه وِشون حتّی نَتِنِسِنِه هیچی بَخارِن.

عیسی وِشونِه بُتِه: «یَتِه پیغَمبَرِ هَمه جا حِرمَت اِلِنِه، بِجِز شی شهر و شی فامیلِن و شی خِنِوادِه ای دِلِه!»

وختی عیسی لوتکایی جا جِر بیمو، یَتِخِیلی اِزدِحام بَئیِه و وی دِل وِشونی سِه بَسوتِه، چون هِتی بی چَپونِ گِسَنی تَرا وِنِه. پس خِیلی چیارِه وِشونِه تعلیم هادا.

عیسی نَتِّنِسِه اوجِه هیچ مُعجزه‌ای هاکِنِه، بِجِز هَینگه شی دَسِ چَن تا مریضی سَر بِشتِه و وِشونِه شَفا هادا. وی وِشونی بی ایمونی ای جا تَجِّب هاکِرد وِه. اَزما، عیسی هون مَنطقِه ای آبادی هایی دِلِه گِرِسِه و مَردِنِ تعلیم داوِه.

اَزما عیسی پَنج تا نون و دِتا مائی رِه بَیتِه و آسِمونِ هارشیِه و شِکر هاکِردِه. نونیشونِه گِلی هاکِردِه و شی شاگِردِنِه هادا تا مَردِنی پِش بِلِن، دِتا مائی رِه هَم، هَمه ای میِن رَسَد هاکِردِه. دِشتِ وِشون بَخاردِنِه و سِئر بَوِنِه، وختی شاگِردِن اضاف بیمو نون گِلی و خِردِه مائی ایشونِه جَم هاکِردِنِه دِوازِه تا زَمبیل پِر بَوِه.