Popular Bible Verses from اِنجیلِ مَتّی 19

Share

عیسی وِشونِه هارشیِه و بُتِه: «هَین کار آدَمی سِه مَحالِ، ولی خِدایی سِه هَمه چی مُمکِنِه.»

پس وِشون دِ دِتَن نینِه بَلگی یَتَن هَسِّنِه. پَس اونچی گه خِدا هیکَش جِفت هاکِردِه رِه آدَم نِنِه سیوا هاکِنِه.»

عیسی وِشونِه بُتِه: «مَگِه نَخونِسِنی اونیگه وِشونِه خَلق هاکِرده از اَوَّل ”وِشونِه زَنا مَردی بَساتِه“، عیسی بُتِه: ”هَینِسه مَرد شی پیر و ماری جا سیوا وونِه، شی زَنارِه چَسبِنِه و اون دِتا یَتَن وونِنِه“؟

ولی عیسی بُتِه: «بِلین کِچیک وَچیلِه ایشون می وَر بیئِن وِشونی دَمِ نَیرین، چون اونانیگه هَین وَچیلِه ای تَرا ووئِن بَتِنِّنِه آسِمونی پادشاهی ای دِلِه بیئِن.»

ولی خِیلیا گه اَوَّلینِنِه، آخَرین وونِنِه و اونانیگه آخَرینِنِه، اَوَّلین!

هر کی می اِسمی خاطری شی خِنِه، بِرارِن و خاخِرِن، پیر و مار، وَچیلِه و شی مِلکِ دَس بَیتِه، صَد بالینِه گیرنِه و اَبَدی زندِگی رِه بِدَس اُرنِه.

عیسی وِرِه بُتِه: «اگه خواینی كامِل بَووئی، بور هر چی دارنی رِه بَروش و وی پولِ فَقیرِنِه هادِه گه آسِمونی دِلِه گنج دارنی. اَزما بِرِه و مِنِه پِیرَوی هاکِن.»

عیسی وِرِه بُتِه: «چه اونچی ای خَوَری گه خِبِ میجا سوال کِنّی؟ تنیا خِدائه گه خِبِ. اگه خواینی اَبَدی زندِگی ای دِلِه بوری، خِدایی حِکمِ بِجا بیار.»

اَی هَم شِمارِ گِمِه، شِتِری رَد بَووئَن دَرزِنی وِهری جا آسون تَر از پولداری بوردَن خِدایی پادشاهی ای دِلِئه.»

شِمارِ گِمِه هر کی شی زَنارِه هر دَلیلی بِجِز زِنا طَلاق هادِه و یَت دییَر زَن بَوِرِه، زِنا هاکِردِه.»

اَزما عیسی شی شاگِردِنِه بُتِه: «حَیقَتاً شِمارِ گِمِه، پولدارِنی بوردَن آسِمونی پادشاهی ای دِلِه خِیلی سَختِه.