Popular Bible Verses from اِنجیلِ مَتّی 16

Share

اَزما عیسی شی شاگِردِنِه بُتِه: «هر کی بَخواد می دِمالرو ووئِه، وِنِه شی جانی جا بِگذِرِه و شی صَلیبِ بَیرِه و می دِمال بیِه.

و تِرِه گِمِه تو پِطرُسی، یَعنی ”کِر،“ و مِن هَین کِری سَر شی کلیسارِه بَنا کِمِّه، هیچ وَخت جَهِنِمی قِدرَت نَتِنِّه وِرِه از بِین بَوِرِه.

آسِمونی پادشاهی ای کِلی ایشونِه تِرِه دِمِه. اونچی رِه گه تو زَمینی دِلِه دَوِنّی، آسِمونی دِلِه دَوَس وونِه و هر چیرِه زَمینی سَر وا هاکِنی، آسِمونی دِلِه وا وونِه.»

چون هر کی بَخواد شی جانِ دارِه، اونِه از دَس دِنِه، ولی هر کی شی جانِ میسِه فِدا هاکِنِه، اونِه اَی بِدَس اُرنِه.

آدَمی سِه چه نَفعی دارنِه دِشتِه دِنیارِه دارِه، ولی شی جانِ از دَس هادِه؟ چون وی دِ هیچ قِیمَتی نَتِنِّه شی جانِ پَس هایرِه.

عیسی وِشونه بُتِه: «ولی شِما گِنِنی مِن کیمِه؟» شَمعونِ پِطرُس جِواب هادا: «تو مَسیحِ موعودی، زینِّه خِدایی ریکائی!»

عیسی شَمعونی جِواب بُتِه: «اِی شَمعون، یونایی ریکا، خِش بِحالِ تو، چون تو هَینِه آدَمی جا یاد نَیتی، بَلگی می آسِمونی پیر اونِه تِنِه آشکار هاکِردِه.