Popular Bible Verses from اِنجیلِ مَتّی 13

Share

ولی تیمی گه خِبِ زَمی ای دِلِه دَکاشت بَوِه، کَسیِه گه کَلامِ اِشنُنِه و اونِه فَهمِنِه. وی حَیقَتاً باروَر وونِه و صَد، شَصت یا سی بالینِه بار اُرنِه.»

تیمی گه لَم تَلی ای دِلِه دَکاشت بَوِه، کَسیِه گه کَلامِ اِشنُنِه، ولی چون وی دِل دِنیارِه دَوَسِّه و وی چِش مال و مَنالی دِمال دَرِه، هَینِن کَلامِ خَفِه کِنِنِه و بار نیارنِه.

وختی یَنَفَر آسِمونی پادشاهی ای کَلامِ اِشنُنِه و اونِه نِفَهمِنِه، شِیطان اِنِه و اونچی وی دِلی دِلِه دَکاشت بَوِه رِه، تَپ زَنِّه گیرنِه. هَین هَمون تیمیِه گه راهی دِلِه دَکاشت بَوِه.

تیمی گه سَنگ لاخِ زَمی ای دِلِه دیم بَخاردِه، کَسیِه گه کَلامِ اِشنُنِه و دَرجا اونِه خِشالی ای هَمرا قَبول کِنِّه. ولی چون بِنِه نارنِه فقط یَذِرِه دَووم اُرنِه. وختی کَلامی خاطری اَذیَت و آزار وینِّه، شی ایمونی جا گِردِنِه.

«آسِمونی پادشاهی جاهادا گَنجی رِه مونِّه گه یَتِه زَمینی دِلِه دَرِه و یَنَفَر وِرِه اَنگیرنِه، هَموجِه وی سَرِ پوشانِّه و خِشالی ای جا شونِه اونچی گه دارنِه رِه روشِنِه و هون زَمینِ خَرینِّه.

ولی بَقیِه تیمیشون خِبِ گِلی دِلِه دیم بَخاردِنِه و بار بیاردِنِه: بَعضی صَد، بَعضی شَصت و بَعضی سی بالینِه.

بِلین تا دِرُویی موقِه هر دِتا هَمدیری هَمرا لُو بَکِشِن؛ دِرُویی موقِه دِرُوگَریشونِه گِمِه اَوَّل تَلِ واشیشونِه دَسِه هاکِنِن و بَسوجانیَنی سِه بِلِّن، ولی گَنِّمیشونِه کَندوجی دِلِه اَمبار هاکِنِن.“‌»