Popular Bible Verses from اِنجیلِ یوحنا 13

Share

یَتِه تازِه حِکم شِمارِ دِمِه، و هون هَینِه گه هَمدِیَرِ مِحَبت هاکِنین. هَمونجور گه مِن شِمارِ مِحَبَت هاکِردِمِه، شِما هَم وِنِه هَمدِیَرِ مِحَبَت هاکِنین. اگه هَمدیرِ مِحَبَت هاکِنین دِشتِه مَردِن هَینی جا فَهمِنِنِه گه شِما می شاگِردِننی.»

پَس اگه مِن گه شِمِه آقا و اِسّامِه شِمِه لینگِ بَشوردِمِه، شِما هَم وِنِه هَمدیَری لینگِ بَشورین. چون مِن هَین کاری هَمرا شِمارِ سَرمخشی هادامِه تا شِما هَم هَمونجور هاکِنین گه مِن شِمِه هَمرا هاکِردِمِه.

عیسی بُتِه: «تو اَلَن نِفَهمِنی مِن دِ چی کِمِّه، ولی اَزما فَهمِنی.»

حَیقَتاً شِمارِ گِمِه، نا نوکَر شی اَربابی جا گَت تَرِ، نا قاصِد شی بَرِسانی ای جا.

اِسا گه هَینِنِه دِنِنی، خِش بِحالِ شِما اگه هَینِنِه اَنجام هادین.

شُومی سَر پِرِسا و شی قَوارِ شی تَنی جا دَر بیاردِه و یَتِه حولِه‌ بَیتِه شی کَمَر دَوِسِه. اَزما لَگنی دِلِه اُو بَریختِه و شی شاگِردِنی لینگِ بَشوردِه و هون حولِه ای هَمرا گه شی کَمَر دَوِس وِه، وِشونی لینگِ خِشک هاکِردِه.