Popular Bible Verses from اِنجیلِ یوحنا 10

Share

دِز نینِه بِجُز هَینِسه گه بَدِزِّه و بَکوشِه و نابود هاکِنِه؛ مِن بیمومِه تا وِشون زندگی دارِن و اونِه فِراوونی ای هَمرا دارِن.

«مِن خِبِ چَپونمِه. خِبِ چَپون شی جانِ گِسَنیشونی سِه اِلنِه.

می گِسَنیشون می اَوازِ گوش دِنِنِه؛ مِن اونانِه اِشناسِمِه و اونان می دِمال اِنِنِه.

مِن اونانِه اَبَدی زندگی بَخشِمِه و اونان هیچ وَخت هَلاک نَوونِنِه. هیچکی اونانِه می دَسی جا تَب نَزِنِه و نَئیرنِه.

مِن ’دَر‘ هَسمِه؛ هر کی گه می راهی جا دِلِه بورِه نِجات گیرنِه، و دِلِه دیرگا کِنِّه و واشگا اَنگیرنِه.

مِن خِبِ چَپونمِه. مِن شی گِسَنیشونِه اِشناسِمِه و می گِسَنیشونَم مِنِه اِشناسِنِنِه،

می پیر گه اونانِه مِنِه هادا هَمه ای جا گَت تَرِ، و هیچکی نَتِنِّه اونانِه پیری دَسی جا تَب بَزِنِه و بَئیرِه. مِن و پیر یَتّا هَسمی.»

هَمونجور گه پیر مِنِه اِشناسِنِه و مِنَم پیرِ اِشناسِمِه. مِن شی جانِ گِسَنیشونی سِه اِلمِه.

هیچکی اونِه میجا نَیرنِه، بَلگی مِن شی میلی هَمرا اونِه دِمِه. اختیار دارمِه اونِه هادَم و اختیار دارمِه اونِه اَی هَم پَس هایرِم. هَین حِکمِ شی پیری جا بَیتِمِه.»

پس یَکَش دییَر وِشونِه بُتِه: «حَیقَتاً شِمارِ گِمِه، گِسَنیشونی سِه مِن ’دَر‘ هَسمِه؛

اونیگه دَسمِز گیرنِه، چون چَپون نیِه و گِسَنیشون وِنی نینِه، هر وَخت بَوینِه وِرگ اِنِه گِسَنیشونِه اِلنِه و فِرار کِنِّه، وِرگ گِسَنِ تَب زَنِّه گیرنِه و پَخش و پَلا کِنِّه.

«حَیقَتاً شِمارِ گِمِه، اونیگه گِسَنی کِلِمی دَری جا دِلِه نَشوئِه، بَلگی یَت دییَر راهی جا لُو بورِه، دِز و راهزَنِ.